جەكە تۇلعالار مەن دارا كاسىپكەرلەر – «ەكسيمبانك قازاقستان» اق كليەنتتەرى «قازپوشتا» اق-قا جۇگىنۋگە جانە «قدكبق» اق قاراجاتىنان وتەماقىنى الۋعا قۇقىلى. «ەكسيمبانك قازاقستان» اق-تاعى سالىمداردا, اعىمداعى شوتتاردا جانە تولەم كارتوچكالارىندا ورنالاستىرىلعان اقشالار دەپوزيت بويىنشا قالدىق سوماسىندا, بىراق كەلەسى ماكسيمالدى كەپىلدىك بەرىلگەن سوماسىنان اسىرىلماي وتەلەدى:
● 10 ميلليون تەڭگە – ۇلتتىق ۆاليۋتاداعى دەپوزيتتەر بويىنشا,
● 5 ميلليون تەڭگە – شەتەل ۆاليۋتاسىنداعى دەپوزيتتەر بويىنشا.
«ەكسيمبانك قازاقستان» اق-تا ورنالاستىرىلعان ءبىر سالىمشىنىڭ تەڭگەدەگى جانە شەتەل ۆاليۋتاسىنداعى دەپوزيتتەرى بويىنشا 15 ميلليون تەڭگەدەن اسپايتىن سومادا جيىنتىق كەپىلدىك بەرىلگەن وتەم تولەنەدى, سونىڭ ىشىندە شەتەل ۆاليۋتاسىنداعى دەپوزيتى بويىنشا 5 ميلليون تەڭگە ەكۆيۆالەنتتەن اسپايدى.
وتەماقى جينالعان (كاپيتالداندىرىلعان) سىياقىنى ەسكەرە وتىرىپ, دەپوزيت بويىنشا قالدىق سوما شەگىندە ۇلتتىق ۆاليۋتادا «قدكبق» اق قاراجاتىنان تولەنەدى. شەتەل ۆاليۋتاسىنداعى دەپوزيت بويىنشا وتەماقى سوماسىن ەسەپتەۋ ءۇشىن «ەكسيمبانك قازاقستان» اق-تى ماجبۇرلەپ تاراتۋ تۋرالى سوت شەشىمىنىڭ زاڭدى كۇشىنە ەنگەن كۇنىندەگى, ياعني 2019 جىلعى 16 قاڭتارداعى نارىقتىق ۆاليۋتا ايىرباستاۋ باعامى قولدانىلادى.
سالىمشىلاردىڭ وتىنىشتەرىن قابىلداۋ جانە كەپىلدىك بەرىلگەن وتەمدى تولەۋ 2019 جىلعى
4 اقپاننان باستاپ 4 تامىزعا دەيىن «قازپوشتا» اق ارقىلى تومەندەگى بەس قالادا ورنالاسقان «قازپوشتا» اق-تىڭ ورتالىق وپەراتسيالىق ۋچاسكەلەرىندە (ووۋ) جۇزەگە اسىرىلادى:
● استانا قالاسىندا: اۋەزوۆ كوشەسى, 13,
● الماتى قالاسىندا: بوگەنباي باتىر
كوشەسى, 134,
● قاراعاندى قالاسىندا: بۇحار جىراۋ
داڭعىلى, 39,
● پاۆلودار قالاسىندا: ساتباەۆ كوشەسى, 50,
● پەتروپاۆل قالاسىندا: پۋشكين كوشەسى, 61.
ءوتىنىش بەرۋ جانە وتەماقىنى الۋ ءۇشىن سالىمشىلار «قازپوشتا» اق ووۋ-نە جۇگىنۋى كەرەك, وزدەرىمەن بىرگە جسن-نەن تۇراتىن جەكە كۋالىك قۇجاتى بولعانى ابزال. ءوتىنىش بلانكىسىن «قازپوشتا» اق ووۋ-نەن الۋعا بولادى نەمەسە www.kdif.kz قدكبق ينتەرنەت-رەسۋرسىندا «سالىمشىلارعا» بولىمىندەگى ەلەكتروندى بلانكىسىن جۇكتەپ الىپ, الدىن الا تولتىرۋعا بولادى. سالىمشىلاردى سايكەستەندىرۋ جەكە سايكەستەندىرۋ ءنومىرى (جسن) بويىنشا جۇزەگە اسىرىلادى, سوندىقتان «ەكسيمبانك قازاقستان» اق سالىمشىلارىنىڭ قۇقىقتارىن راستاۋ ءۇشىن بانكتىك سالىم شارتى نەمەسە كاسسالىق كىرىس وردەرى تالاپ ەتىلمەيدى.
دەپوزيتوردىڭ وكىلى جۇگىنگەن كەزدە نوتاريالدى كۋالاندىرىلعان سەنىمحات تالاپ ەتىلەدى: «ەكسيمبانك قازاقستان» اق-تا اشىلعان دەپوزيتتەردى (شوتتاردى) باسقارۋعا وكىلەتتىگىنىڭ كورسەتىلۋىمەن جالپى (باس) سەنىمحاتتى, سونداي-اق ارنايى نەمەسە رەتتىك سەنىمحاتتى ۇسىنۋعا رۇقسات ەتىلەدى. مۇراگەر جۇگىنگەن كەزدە مۇراگەرلىككە قۇقىقتى نەمەسە مۇرا بەرۋشىنىڭ اقشالارىن پايدالانۋ قۇقىعىن راستايتىن قۇجاتتاردى دا ۇسىنۋ كەرەك. ەگەر سەنىمحات شەتەل تىلىندە جاسالعان بولسا, وندا سالىمشىنىڭ وكىلى مەملەكەتتىك نەمەسە ورىس تىلدەرىنە اۋدارماسى بەكىتىلگەن تارتىپتە نوتاريالدى كۋالاندىرىلعان سەنىمحاتتى ۇسىنادى. سالىمشى وكىلىنىڭ (مۇراگەردىڭ) دە وزىمەن بىرگە جەكە باسىن كۋالاندىراتىن قۇجاتى بولۋى كەرەك.
«ەكسيمبانك قازاقستان» اق سالىمشىلارى وتەماقىنىڭ تولەۋىن جۇرگىزەتىن «قازپوشتا» اق ووۋ-ءنىڭ جۇمىس كەستەسىن, مەكەنجايى مەن تەلەفوندارىن www.post.kz قازپوشتا ينتەرنەت-سايتىندا نەمەسە 1499 بايلانىس ورتالىعى ارقىلى ناقتىلاي الادى.
«قازپوشتا» اق ارقىلى تولەۋ كەزەڭى اياقتالعاننان كەيىن سالىمشىلار تىكەلەي «قدكبق» اق-قا وتەماقى ءۇشىن جۇگىنۋگە قۇقىلى.
دەپوزيتىندە دەپوزيت بويىنشا كەپىلدىكتىڭ ماكسيمالدى سوماسىنان اساتىن اقشاسى نەمەسە 2019 جىلعى 16 قاڭتارعا ەسەپتەلگەن (كاپيتالداندىرىلماعان) سىياقى بويىنشا تالابى بار سالىمشىلار «ەكسيمبانك قازاقستان» اق-تىڭ تاراتۋ كوميسسياسىنا جۇگىنۋى كەرەك. «ەكسيمبانك قازاقستان» اق تاراتۋ كوميسسياسى باس كەڭسەسىنىڭ جانە ونىڭ فيليالدارىنىڭ بايلانىستارى www.kdif.kz «قدكبق» اق ينتەرنەت-رەسۋرسىندا ورنالاستىرىلعان.
«قدكبق» اق-تا دەپوزيت بويىنشا كەپىلدىك تۋرالى مامانداردىڭ كەڭەسىن 1460 (ۇيالى جانە قالالىق تەلەفونداردان تەگىن) قىسقا ءنومىر ارقىلى الۋعا بولادى.
