ۇشاق سىنىقتارى گەرنسي ارالىنىڭ ماڭىنان تابىلدى. ول جەرگە اۋەدەگى وقىس وقيعالاردى تەكسەرۋ ءبولىمىنىڭ ء(ااىۆ) ماماندارى جىبەرىلدى. پوليتسيا حابار-وشارسىز كەتكەندەردى امان تابۋدىڭ مۇمكىندىكتەرى تىپتەن از ەكەندىگىن مالىمدەگەن سوڭ, جوعالعان فۋتبولشىنى ىزدەۋگە جەكەمەنشىك كەمەلەر جۇمىلدىرىلعان بولاتىن. ولارعا فۋتبولشى وتباسىنىڭ مۇشەسى, مۇحيتتانۋشى دەۆيد ميرنس باسشىلىق ەتتى.
ەسكە سالا كەتەيىك, جەڭىل موتورلى «پايپەر ماليبۋ» ۇشاعى لا-مانش بۇعازىنىڭ ۇستىنەن ۇشىپ ءوتىپ بارا جاتقاندا, 22 قاڭتار كۇنى رادار بەتىنەن جوعالعان ەدى. ونىڭ بورتىندا بولعان فۋتبولشى ەميليانو سالا بۇعان دەيىنگى بۇكىل كارەراسىن فرانتسۋز كلۋبتارىندا وتكىزگەن. «نانت» ويىنشىسى ۋەلستىڭ «كارديفف» كلۋبىمەن كەلىسىمشارتقا وتىرىپ, جاڭا كومانداسىنا قوسىلۋ ءۇشىن بارا جاتقاندا اپاتقا ۇشىرادى.
ول ۋەلس كلۋبىنىڭ تاريحىنداعى ەڭ قىمبات ويىنشى ەدى. ونىڭ ترانسفەرلىك قۇنى 15 ملن فۋنت ستەرلينگ بولدى.
