نارەستەلەر مەرزىمىنەن بۇرىن التى ايلىق كەزىندە تۋىلعان. سالماقتارى 1500 جانە 1600 گرامم. جاڭا ءومىر ەسىگىن اشقان سابيلەردىڭ العاشقىدا جاعدايلارى اۋىر بولعاندىقتان, جان ساقتاۋ بولىمىنە جاتقىزىلعان. بۇل تۋرالى قالالىق پەريناتالدىق ورتالىقتىڭ نەوناتولوگ دارىگەرى ماقسات اكپار ايتىپ بەردى.
ماقسات اكپار, شىمكەنت قالالىق پەريناتالدىق ورتالىقتىڭ نەوناتولوگ دارىگەرى.
- شالابايلاردىڭ ءومىرىن امان الىپ قالۋ ءۇشىن قالالىق پەريناتالدى ورتالىقتىڭ مەديتسينا ماماندارى بارىن سالىپ, امان الىپ قالدى. اناسى مەن سابيلەرى قازىر وزدەرىن جاقسى سەزىنەدى. ءبىر اي ىشىندە ۇشەمدەردىڭ سالماعى 2500 گرامعا جەتكەن.
ەستەرىڭىزگە سالار بولساق, بىلتىر قاراشا ايىندا قالامىزداعى پەرزەنتحانالاردىڭ بىرىندە 35 جاستاعى انا دينارا نالىباەۆا وسمان, ومار ەسىمدى ەكى ۇل مەن زەينەپ اتتى ءبىر قىزدى دۇنيەگە اكەلگەن ەدى. ۇشەم قاراشانىڭ 24-نە 33 اپتالىق كەزىندە وتا تاسىلىمەن تۋىلعان. دينارا نالىباەۆانىڭ بۇعان دەيىن تاعى ەكى قىز ءبىر ۇلى بولعان. وسىلايشا جاس انا التى بالانىڭ اناسى اتانعان ەدى.
2018 جىلدىڭ باسىنان بەرى شىمقالادا ءتورتىنشى مارتە ۇشەم جارىق دۇنيە ەسىگىن اشتى.
ءبىر قىزىعى, شىمشاھاردا دۇنيەگە كەلگەن نارەستەلەردىڭ دەنى – ۇل بالالار. قالالىق دەنساۋلىق ساقتاۋ باسقارماسىنىڭ ءباسپاسوز قىزمەتى تاراتقان حابارلاماعا سۇيەنسەك, 2019 جاڭا جىلعا قاراعان ءتۇنى شاھارداعى پەرزەنتحانادا 27 ۇل بالا دۇنيەگە كەلىپتى.
نۇرشات توكەن,
«Egemen Qazaqstan»
شىمكەنت
