«سانوفي» تاڭداعان ۇزدىكتەر
سەيسەنبى, 20 قاراشا 2012 7:05
استانادا «سانوفي مەديتسينالىق گرانتىنىڭ» جەڭىمپازدارى انىقتالدى.
ەلىمىز دەنساۋلىق ساقتاۋ مينيسترلىگىنىڭ قولداۋىمەن فرانتسۋزدىڭ سانوفي فارماتسەۆتيكالىق كومپانياسى تاعايىنداعان گرانت ءۇشىن ءباسەكە وسىمەن ءۇشىنشى جىل قاتارىنان وتكىزىلىپ وتىر. بۇل يگى شارانىڭ باستى ماقساتى – وتاندىق مەديتسينا ماماندارىنىڭ عىلىمي-زەرتتەۋ جوبالارىن قولداۋ جانە دامىتۋ بولىپ تابىلادى. گرانتتار قازاقستان رەسپۋبليكاسىندا ءجۇرگىزىلگەن جانە ەلىمىزدىڭ ءتاجىريبەلىك دەنساۋلىق ساقتاۋ جۇيەسىنە سۇبەلى ۇلەس قوسۋعا الەۋەتتى عىلىمي-زەرتتەۋلەر مەن جوبالارعا بەرىلەدى. بيىل ۇزدىك عىلىمي-زەرتتەۋ جۇمىستارىن ماراپاتتاۋ ءۇش نەگىزگى, اتاپ ايتقاندا, حيرۋرگيا, ديابەتولوگيا جانە ونكولوگيا اتالىمدارى بويىنشا ءجۇزەگە اسىرىلدى. ءار اتالىم بويىنشا ءۇش جەڭىمپاز انىقتالدى.
سەيسەنبى, 20 قاراشا 2012 7:05
استانادا «سانوفي مەديتسينالىق گرانتىنىڭ» جەڭىمپازدارى انىقتالدى.
ەلىمىز دەنساۋلىق ساقتاۋ مينيسترلىگىنىڭ قولداۋىمەن فرانتسۋزدىڭ سانوفي فارماتسەۆتيكالىق كومپانياسى تاعايىنداعان گرانت ءۇشىن ءباسەكە وسىمەن ءۇشىنشى جىل قاتارىنان وتكىزىلىپ وتىر. بۇل يگى شارانىڭ باستى ماقساتى – وتاندىق مەديتسينا ماماندارىنىڭ عىلىمي-زەرتتەۋ جوبالارىن قولداۋ جانە دامىتۋ بولىپ تابىلادى. گرانتتار قازاقستان رەسپۋبليكاسىندا ءجۇرگىزىلگەن جانە ەلىمىزدىڭ ءتاجىريبەلىك دەنساۋلىق ساقتاۋ جۇيەسىنە سۇبەلى ۇلەس قوسۋعا الەۋەتتى عىلىمي-زەرتتەۋلەر مەن جوبالارعا بەرىلەدى. بيىل ۇزدىك عىلىمي-زەرتتەۋ جۇمىستارىن ماراپاتتاۋ ءۇش نەگىزگى, اتاپ ايتقاندا, حيرۋرگيا, ديابەتولوگيا جانە ونكولوگيا اتالىمدارى بويىنشا ءجۇزەگە اسىرىلدى. ءار اتالىم بويىنشا ءۇش جەڭىمپاز انىقتالدى.
بيىلعى بايقاۋعا بارلىعى 35, ونىڭ ىشىندە ونكولوگيا سالاسى بويىنشا – 12, حيرۋرگيادان – 17, ديابەتولوگيا سالاسىنان – 6 جۇمىس جىبەرىلدى.
ۇيىمداستىرۋشىلاردىڭ ايتۋىنشا, بيىلعى عىلىمي جۇمىستار جوعارى ساپاسىمەن جانە وزەكتىلىگىمەن ەرەكشەلەندى.
– فارماتسەۆتيكالىق كومپانيالارمەن جۇمىس ىستەيتىن مامان رەتىندە, ەلىمىزدىڭ دەنساۋلىق ساقتاۋ سالاسىن دامىتۋعا باعىتتالعان بارلىق شارالارعا بەلسەنە قاتىسقانى جانە وقىتۋ سەمينارلارىن وتكىزۋ ارقىلى ۇلكەن جۇمىستار اتقارعانى ءۇشىن «سانوفي» كومپانياسىن ەرەكشە اتاپ وتكىم كەلەدى, – دەيدى ۇلتتىق عىلىمي اكادەمياسىنىڭ اكادەميگى, مەملەكەتتىك سىيلىقتىڭ لاۋرەاتى رايسا كۇزدەنباەۆا.
– كومپانيانىڭ ءوز قىزمەتىندە جوعارى ەتيكالىق ستاندارتتار مەن حالىقارالىق ءتاجىريبەنى نەگىزگە الا وتىرىپ, تۇرعىنداردىڭ دەنساۋلىعىن نىعايتۋعا ۇمتىلىس تانىتۋى قۋانارلىق جايت.
«سانوفي» كومپانياسىنىڭ ورتا ازياداعى باس ديرەكتورى حايسام شرايتە «سانوفي» جاريالاعان بايقاۋدىڭ الەۋمەتتىك-جاۋاپتى سەرىكتەس رەتىندە دەنساۋلىق ساقتاۋ جۇيەسىن جاقسارتۋعا باعىتتالعان قازاقستان رەسپۋبليكاسى دەنساۋلىق ساقتاۋ مينيسترلىگىنىڭ باعدارلامالارىنا قاتىسۋدى, مەديتسينا سالاسىنداعى عىلىمي-زەرتتەۋ جۇمىستارىنا دەگەن قىزىعۋشىلىقتى ارتتىرۋ جانە تالانتتى قازاقستاندىق عالىمداردى قولداۋدى كوزدەيتىنىن ايتقان.
«مەديتسينالىق گرانت» باعدارلاماسىن ءۇشىنشى مارتە ءساتتى جۇزەگە اسىرۋ بۇل بايقاۋدىڭ ماڭىزدىلىعىن, قاجەتتىلىگىن ءجانە ۋاقىتىندا قولعا الىنعان ءىس ەكەنىن دالەلدەيدى», – دەدى ول.
«Cانوفي» الەمدەگى كوشباسشى فارماتسەۆتيكالىق توپتىڭ ءبىرى جانە ول الەمنىڭ جۇزدەن اسا ەلىنە تاراعان. «سانوفي» ماقساتى – دەنساۋلىق سالاسىنداعى وزەكتى ماسەلەلەردى شەشۋ جانە ونكولوگيا مەن سۋسامىر سىندى الەۋمەتتىك-ماڭىزدى سالالارداعى نەگىزگى تەراپەۆتىك شەشىمدەرگە قولجەتىمدىلىكتى قامتاماسىز ەتۋ. مەديتسينا سالاسىنداعى جوعارعى ساپا مەن تۇراقتى سەرپىندى زەرتتەۋلەر سىندى قۇندىلىقتار يننوۆاتسيالىق ۇيىمنىڭ باي تاريحىنداعى نەگىزگى قوزعاۋشى كۇش بولىپ تابىلادى. «سانوفي» الەمدىك كوشباسشى قاتارىنان ورىن العانىنا قاراماستان, ونىڭ ستراتەگياسى جەرگىلىكتى مەديتسينالىق قاجەتتىلىكتەردى قاناعاتتاندىرۋ مەن جەرگىلىكتى ەمدەلۋشىلەرگە كەرەكتى ءتيىمدى شەشىمدەردى جەتكىزۋدەگى ناقتى ايماقتارعا باعىتتالعان. «سانوفي» ماقساتى تەك ساپالى ەمدەلۋگە قول جەتكىزۋ عانا ەمەس, سونداي-اق دەنساۋلىق ساقتاۋ سالاسىنداعى كاسىبي مامانداردى قولداۋ.
«سانوفي» كومپانياسىنىڭ توبى ەلىمىزدە 15 جىلدان استام ۋاقىت جۇمىس ىستەپ كەلەدى. وندا 160-تان استام ادام ەڭبەك ەتۋدە. «سانوفي» ەلىمىزگە ەمدەۋدىڭ يننوۆاتسيالىق ادىستەرىن, سونداي-اق, ساپالى ءدارى-دارمەك پەن دەنساۋلىق ساقتاۋعا ارنالعان تۇتىنۋشىلىق ونىمدەردى, بارشا تۇرعىندارعا قاۋىپسىز, ءتيىمدى, يننوۆاتسيالىق جانە قولجەتىمدى شەشىمدەردى ۇسىنادى.
سونىمەن «ءسانوفيدىڭ» بيىلعى بايقاۋىندا كىمدەردىڭ جۇلدىزى جاندى. ونكولوگيا اتالىمىندا ءبىرىنشى ورىنعا س.اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىنىڭ وكىلى, مەديتسينا عىلىمدارىنىڭ دوكتورى, پروفەسسور ۋ.جۇماشەۆ لايىقتى دەپ تانىلدى. ول بايقاۋعا «قازاقستان رەسپۋبليكاسىنداعى بالالار ونكولوگياسىنىڭ پروبلەمالارى» دەپ اتالاتىن ەڭبەگىن ۇسىنعان بولاتىن. حيرۋرگيا اتالىمىندا قازاقستان رەسپۋبليكاسىنىڭ ۇلتتىق عىلىمي مەديتسينالىق ورتالىعىنىڭ دارىگەرى س.يمانقۇلوۆ جەڭىمپاز اتاندى. ال ديابەتولوگيا اتالىمىندا ءبىرىنشى ورىن الماتى مەملەكەتتىك دارىگەرلەر بىلىكتىلىگىن ارتتىرۋ ينستيتۋتىنىڭ ەندوكرينولوگيا كافەدراسىنىڭ عالىمدارى ا.دوسانوۆاعا, ر.بازاربەكوۆاعا, م.زەلتسەرگە ءجانە ش.ابۋباكىروۆاعا بەرىلدى.
«ەگەمەن-اقپارات».
سۋرەتتە: حيرۋرگيا سالاسى بويىنشا جەڭىمپاز, مەديتسينا عىلىمدارىنىڭ دوكتورى, پروفەسسور س.يمانقۇلوۆ.
