وزبەكستاننىڭ ميرزاچۋل اۋدانىندا تۇرىپ جاتقان قانداستارىمىز ءۇشىن ءداستۇر مەن سالتتى ساقتاۋ ءۇشىن بارلىق جاعداي جاسالعان. مۇندا قازاق ۇلتتىق تەاترى دا بار. تەاتر عيماراتىنا جاقىندا رەكونسترۋكتسيا جاسالىپ, كورىكتەنە تۇسكەن. مادەنيەت ورتالىعىندا ۇلتتىق مۋزىكا, بي, ءان, بەينەلەۋ ونەرى ۇيىرمەلەرى بار.
وزبەك-قازاق ۇلتتىق مادەنيەت ورتالىعىنىڭ اشىلۋى – ەكى ەل اراسىنداعى دوستىقتىڭ جالاۋى. ورتالىق كورشى مەملەكەتتەردىڭ مادەني بايلانىسىن, جاستاردى ۇلتارالىق دوستىقتىڭ رۋحىندا تاربيەلەۋ جۇمىستارىن جۇرگىزەدى.
شاۆكات ميرزيوەۆ مادەنيەت ورتالىعى پەن تەاتردىڭ اشىلۋى باۋىرلاس مەملەكەتتەر اراسىنداعى دوستىقتىڭ نىعايۋىنا ۇلكەن ۇلەس قوسادى دەيدى.
كەش بارىسىندا قازاق جانە وزبەك حالىقتارىنىڭ ۇلتتىق مۋزىكاسى مەن ءبيى ورىندالدى.
