قازاقستان رەسپۋبليكاسى, رەسەي فەدەراتسياسى, بەلارۋس رەسپۋبليكاسى, قىرعىز رەسپۋبليكاسى, تاجىكستان رەسپۋبليكاسى, ارمەنيا رەسپۋبليكاسى جانە مولدوۆا رەسپۋبليكاسى اراسىنداعى تەرروريزمگە جانە ەكسترەميزمنىڭ وزگە دە زورلىق-زومبىلىق كورىنىستەرىنە قارسى كۇرەستى جۇزەگە اسىراتىن قۇزىرەتتى ورگاندارىن ماتەريالدىق-تەحنيكالىق قامتاماسىز ەتۋ جونىندەگى ىنتىماقتاستىق تۋرالى كەلىسىمگە 2012 جىلى 5 جەلتوقساندا اشعابات قالاسىندا قول قويىلدى.
كەلىسىمنىڭ نەگىزگى ماقساتى – تەرروريزمگە جانە ەكسترەميزمنىڭ وزگە دە زورلىق-زومبىلىق كورىنىستەرىنە قارسى كۇرەستى جۇزەگە اسىراتىن قۇزىرەتتى ورگاندارىن ارنايى تەحنيكامەن, قۇرالدارمەن, ماتەريالدارمەن قامتاماسىز ەتۋ ءۇشىن تەڭ جانە جەڭىلدىكتى جاعداي جاساۋ بولىپ وتىر.
كەلىسىم اياسىندا تاراپتار اراسىنداعى ىنتىماقتاستىق قۇزىرەتتى ورگانداردىڭ ساتىپ الۋ جانە جەتكىزۋ تۋرالى سۇراۋ سالۋدى ورىنداۋ ارقىلى جۇزەگە اسادى. بۇل رەتتە سۇراۋدى ورىنداۋ مەرزىمى 30 كۇننەن اسپاۋى ءتيىس. سۇراۋ سالعان تاراپ سۇراۋدىڭ تولىق, ۋاقىتىندا جانە ساپالى تۇردە ورىندالۋىنا قاجەتتى بارلىق شارالاردى جۇزەگە اسىرادى.
كەلىسىمدى جۇزەگە اسىرۋعا بايلانىستى شىعىستار قۇزىرەتتى ورگانداردىڭ وسى ماقساتقا ارنالعان قارجىسى ەسەبىنەن جۇزەگە اسادى.
كوميتەت وتىرىسىندا سونداي-اق «قازاقستان رەسپۋبليكاسىنىڭ ۇكىمەتى مەن قىرعىز رەسپۋبليكاسىنىڭ ۇكىمەتى اراسىنداعى قازاقستان-قىرعىز مەملەكەتتىك شەكاراسىنىڭ رەجيمى تۋرالى كەلىسىمدى راتيفيكاتسيالاۋ تۋرالى» زاڭ جوباسى قارالدى.
كەلىسىمگە مەملەكەتتەردىڭ شەكارا مەكەمەلەرىنىڭ باسشىلارى دەڭگەيىندە 2017 جىلى 25 جەلتوقساندا استانا قالاسىندا قول قويىلعان بولاتىن.
كەلىسىمنىڭ باستى ماقساتى قازاقستان رەسپۋبليكاسى مەن قىرعىز رەسپۋبليكاسى اراسىنداعى مەملەكەتتىك شەكارانىڭ قۇقىقتىق نەگىزدەرىن بەكىتۋ جانە قاتىناستاردى رەتتەۋ بولىپ تابىلادى. مەملەكەتتىك شەكارانىڭ تارتىبىنە شەكاراداعى قولدانىلاتىن ەرەجەلەر مەن مەملەكەتتىك شەكارانىڭ ءتارتىبى, مەملەكەتتىك شەكارادان ادامداردى, كولىك قۇرالدارىن, جۇكتەر مەن باسقا دا م ۇلىكتەردى وتكىزۋ, مەملەكەتتىك شەكارا ۇستىنەن ۇشۋلار, مەملەكەتتىك شەكارادا, شەكارالىق بەلدەۋلەردە, سونداي-اق شەكارا سۋلارى شەگىندە شارۋاشىلىق جانە وزگە دە قىزمەتتەردى جۇزەگە اسىرۋ مەن شەكارالىق قاقتىعىستاردى شەشۋ بولىپ تابىلادى.
كەلىسىم مەرزىمسىز بولىپ تابىلادى. ونى راتيفيكاتسيالاۋ قازاقستان من قىرعىزستاننىڭ مەملەكەتتىك شەكاراسىنداعى ءتارتىپ ەرەجەسىن بەكىتۋگە, مەملەكەتتەر اراسىنداعى ىنتىماقتاستىقتى نىعايتۋعا ىقپال ەتەدى جانە قازاقستان رەسپۋبليكاسىنىڭ ۇلتتىق قاۋىپسىزدىگىن قامتاماسىز ەتەدى.
زاڭ جوبالارى پالاتانىڭ قاراۋىنا جىبەرىلدى.
