بىلتىر جالاعاش اۋدانىنان تابىستالعان جەر ۋچاسكەلەرىن ماقساتتى پايدالانباعان تۇلعالاردان مەملەكەت قورىنا 8 728 گەكتار جەر قايتارىلعان ەكەن.
«جەر ءبىزدىڭ باستى بايلىعىمىز. ونى كۇتىپ-باپتاۋ, ءتيىمدى پايدالانۋ ءاربىر ازاماتتىڭ مىندەتى. سوندىقتان دا تابىستالعان ءاربىر جەر ۋچاسكەسىنىڭ ماقساتتى پايدالانىلۋى قاتاڭ باقىلاۋىمىزدا», - دەدى قايراتبەك سارسەنباەۆ.
وتكەن جىلى جەر كودەكسىنە كوپتەگەن وزگەرىستەر ەنگىزىلگەن بولاتىن. اۋىل شارۋاشىلىعى ماقساتىنداعى جەرلەردىڭ پايدالانىلۋى مەن قورعالۋىن باقىلاۋ فۋنكتسياسى اۋداننىڭ جەرگىلىكتى اتقارۋشى ورگاندارىنىڭ قۇزىرەتىنە بەرىلدى.
ەندى جەر الىپ, پايدالانبايتىندار توباسىنا كەلەتىن بولادى.
باقتيار تايجان,
«Egemen Qazaqstan»
قىزىلوردا وبلىسى
