الماتى وبلىسىنىڭ ءتيىستى سالا ماماندارى كوكتەمگى سۋ تاسقىنىنىڭ الدىن الۋ شارالارىنا بيىل ەرتە باستان كىرىستى. جاقىندا وبلىس اكىمىنىڭ ءبىرىنشى ورىنباسارى ءلاززات تۇرلاشوۆتىڭ جەتەكشىلىگىمەن سەلەكتورلىق جيىن ءوتتى. وعان توتەنشە جاعداي, ازاماتتىق قورعانىس, سەلدەن قورعاۋ مەن اۋا رايىن بولجاۋ ورتالىعىنىڭ قىزمەتكەرلەرى قاتىستى. جيىن بارىسىندا كوكتەمگى سۋ تاسقىنىنىڭ الدىن الۋ, دايىندىق شارالارىن كۇشەيتۋ مەن ايماقتاعى سۋ قويمالارىنىڭ جاعدايى ءسوز بولدى.
جالپى, الماتى وبلىسىندا جەتپىستەن اسا سۋ قويماسى, 85 سۋ رەتتەۋ بوگەتى بار. بيىلعى دەيىن 8 بوگەتكە كۇردەلى جوندەۋ جۇمىسى جاسالدى. كەيبىر قويمانىڭ سالىنعان جىلى وتە ەرتە بولعاندىقتان, ۋاقىت وتكەن سايىن جوندەۋدى قاجەت ەتەتىندىگى انىقتالعان. توتەنشە جاعداي باسقارماسى مۇنداي نىسانداردىڭ ءتىزىمىن جاساپ, ءجىتى قاداعالاۋدا ۇستاپ وتىر. ال كوكتەمگى سۋ تاسقىنى كەزىندە تاۋلىك بويىنا كەزەكشىلىك ۇيىمداستىرىلماقشى.
سونداي-اق, وبلىس اۋماعىن سۋ تاسقىنىنان قورعاۋ جانە اپات جاعدايىن بولدىرماۋ ماقساتىندا بيىل بيۋدجەتتەن 560 ملن تەڭگەدەن اسا قارجى بولىنگەن. مۇنان بولەك, مىڭعا جۋىق تەحنيكا, ءۇش جارىم مىڭنان اسا شۇعىل كومەك كورسەتىن قىزمەتكەرلەر توبى دايىندىقتارىن پىسىقتاپ وتىر.
قالماحانبەت مۇقامەتقالي,
«Egemen Qazaqstan»
الماتى وبلىسى
