اۋدارما • 26 قاڭتار، 2019

ماحاببات باقانى قۇتقارادى

374 رەتكورسەتىلدى

رومەو ماحاببات ءۇشىن جاراتىلعان. بىراق تالايدان بەرى ول سۇيگەنىنە قوسىلعان جوق. ونىڭ ۇيالشاق ەكەنى، قۇرت جەيتىنى، كىرپىگى جوق ەكەنى انىق. ءارى جاسى وننان اسىپ كەتتى. الايدا وسى جاسىنا قاراماستان، ول – ەرەكشە جىگىت.

بوليۆيا مۋزەيىندە ءومىر سۇرەتىن رومەو سەحۋەنكاس سۋ باعاسىنىڭ سوڭعى نۇسقاسى سانالىپ كەلگەن. كەيىننەن انالىعى تابىلدى. د.الاركون، د.گرۋنباۋم /Global Wildlife Conservation

دجواننا كلەين،

«نيۋ-يورك تايمس»

رومەو – سەحۋەنكا سۋ باقاسى. بۇعان دەيىن ول ءوز تۇرلەرىنىڭ سوڭعىسى دەپ ەسەپتەلىپ كەلگەن. ول بوليۆياداعى Museo de Historia Natural Alcide d’Orbigny مۋزەيىندە اكۆاريۋمدە جالعىز ءومىر سۇرەدى. العاش رەت رومەونى 10 جىل بۇرىن تاۋىپ العاندا سول ايماقتاعى باقالارعا ساڭىراۋقۇلاق اۋرۋى قاۋىپ ءتوندىرىپ تۇرعان ەدى.

زەرتتەۋشىلەر ونى مۋزەيدىڭ كوبەيتۋ جانە قورعاۋ ورتالىعىنا اكەلگەننەن كەيىن تاعى ءبىر باقانى تاۋىپ، ولاردى ساقتاپ قالۋدان ۇمىتتەنگەن بولاتىن. ولار وزەن بويىن شارلاپ، تۇك تاپپادى. «الەمدەگى جالعىز باقا» اتانعان رومەوعا «قالىڭدىق» كەرەك ەدى. سوندىقتان بىلتىر تابيعات قورعاۋشىلار Match.com سايتىندا وعان ارناپ اككاۋنت اشقان ەدى. ادامدار رومەونىڭ ماحاببات الەگىن جاقسى ءتۇسىندى. اقىرى وتكەن جىلعى ۆالەنتين كۇنىندە رومەونىڭ دجۋلەتتاسىن تابۋ ماقساتىندا كومپانيا مەن باقانىڭ جانكۇيەرلەرى ەكسپەديتسيا ءۇشىن 25 000 دوللار جيناپ بەردى.

البەتتە، دجۋلەتتا تابىلدى. ەندى رومەو بويداقتىقتان قۇتىلادى. تابيعات قورعاۋشىلاردىڭ ءۇمىتى قايتا وياندى. ەكەۋىن كەزدەستىرگەندە ءبارى ويداعىداي بولسا، ولاردىڭ بالالارى تابيعاتقا جىبەرىلەدى. ال باقالاردىڭ ودان كەيىنگى ءومىرى قالاي بولاتىنىن ۋاقىت كورسەتەدى.

بوليۆياداعى باقا تۇرلەرى جويىلىپ كەتۋ الدىندا تۇر. د.الاركون، د.گرۋنباۋم /Global Wildlife Conservation

بىلتىر ەكسپەديتسيا جولعا شىققاندا، تاريحي دەرەكتەردىڭ كومەگى تيگەن جوق. بوليۆياداعى سەحۋەنكاس اۋدانى جويىلىپ كەتىپ، ونىڭ ورنىنا الىپ سۋ قويماسى سالىنعان. جەرگىلىكتى گيدتەر كوماندانى تۇششى اعىستارعا اپاردى. ءبىر كەزدەرى باقا تۇرلەرى مىڭعىرعان وزەن جاعاسى بۇگىندە مۇلگىگەن تىنىشتىققا ورانعان. ال رومەونىڭ اعايىندارى ەشقاشان سۋدان شىقپايتىن ەرەكشەلىككە يە.

ىزدەۋ جۇمىستارى سۋىققا، ىلعالعا، قيىندىققا قاراماستان جالعاسا بەردى. قاس قارايا باستاعاندا زەرتتەۋشىلەردىڭ ءۇمىتى ۇزىلە باستاعان-تۇعىن. بىراق سوڭعى جىلعانى تەكسەرىپ كورۋگە بەل بايلادى. وسى ارادا مۋزەيدىڭ گەرپەتولوگيسى تەرەزا كاماچو باداني سارقىرامادان سۋعا سەكىرىپ تۇسكەن باقانى بايقاپ قالدى. ول جاندىك تۇسكەن جەرگە جۇگىرىپ بارىپ، سۋعا سۇڭگىپ، سەحۋەنكاس سۋ باعاسىن الىپ شىقتى. دجۋلەتتا تابىلدى! «ا، قۇداي! تاپتىم ونى» دەپ ايقاي سالدى ول. كوماندا مۇشەلەرى كەيىنىرەك وسى ارادان تاعى ءبىر انالىق جانە ءۇش اتالىق باقانى كەزىكتىردى.

دجۋلەتتانىڭ جاعدايى جاقسى بولعانىنا قاراماستان، رومەومەن جولىققانعا دەيىن ونى كارانتينگە قويدى. «العاش كەزدەسۋدەن كەيىن رومەونىڭ اۋىرىپ قالعانىن قالامايمىز»، دەيدى دوكتور كاماچو باداني. دجۋلەتتا تابيعاتتا وسكەن، كۇش-قۋاتقا تولى ءارى رومەو سەكىلدى كامەراعا قامالعان ەمەس. الايدا ەكەۋى دە قۇرتتاردى جاقسى كورەدى. ەگەر وسى ارقىلى ولار ءتىل تابىسىپ كەتسە، كوماندا رومەو مەن دجۋلەتتانىڭ بالالارىن تۇمسا تابيعاتقا جىبەرۋگە نيەتتى. ايتسە دە، اۋەلى زەرتتەۋشىلەر باقالاردىڭ دەنى ساۋ بولۋىن قاداعالاپ، ساڭىراۋقۇلاق اۋرۋىنا قانشالىقتى توزىمدىلىك تانىتاتىنىن انىقتاۋ كەرەك.

دوكتور كاماچو باداني عاشىعىن ىزدەپ جالعىز جۇرگەندەرگە ايتاتىن وسيەتى بار: «سوڭى باقىتتى اياقتالاتىن ىزدەۋ جۇمىسىن ەشقاشان توقتاتپا».

سوڭعى جاڭالىقتار

ۇعىنا بىلگەنگە – ۇلت تاعدىرى

ساياسات • بۇگىن، 06:57

كوڭىلگە مەدەت بولعان ماقالا

رۋحانيات • بۇگىن، 06:56

54 ادام جازىلىپ شىقتى

كوروناۆيرۋس • بۇگىن، 06:39

ەل بولىپ ەڭسەرەمىز

ساياسات • بۇگىن، 06:20

بۋمەرانگ

رۋحانيات • بۇگىن، 05:54

قورعاۋشىلارعا دا قولداۋ قاجەت

ايماقتار • بۇگىن، 05:46

تويدىڭ سوڭى توپىرلاعان سىرقات

ايماقتار • بۇگىن، 05:43

اقيرەكتە – ارىستان باب...

تانىم • بۇگىن، 05:33

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار