بۇگىندە تۇركىستان وبلىسىندا جاستاردىڭ سانى 501 مىڭنان اسادى. ونىڭ ىشىندە قالا جاستارى – 86 416 (17,3%), اۋىل جاستارى – 414 953 (82,7%). وبلىستا 2 جوعارى وقۋ ورنى جانە 66 ورتا ارناۋلى وقۋ ورنىندا – 57 672 ستۋدەنت ءبىلىم الىپ جاتىر. ولاردى جاتاقحانامەن قامتۋ ماسەلەسى دە باستى نازاردا. بۇگىندە 45 جاتاقحاناعا 8553 ستۋدەنت ورنالاسقان. بۇل - جالپى ستۋدەنتتەردىڭ 15 پايىزى. سولتۇستىك وڭىرلەردە ءبىلىم الىپ جۇرگەن جاستار دا از ەمەس. مىسالى, «سەرپىن - 2050» باعدارلاماسى اياسىندا – 9 313 جاس ءبىلىم الۋدا. بۇل - رەسپۋبليكا بويىنشا ءبىلىم الىپ جاتقان جاستاردىڭ 50 پايىزدان استامىن قۇرايدى. ال وتكەن جىلى «سەرپىن – 2050» باعدارلاماسى اياسىندا 440 جاس وقۋىن بىتىرسە, ونىڭ 63,3 پايىزى تۇراقتى جۇمىسقا ورنالاسقان. «جاسىل ەل» باعدارلاماسى بويىنشا جىل سايىن 1275 جاس, «ديپلوممەن اۋىلعا» جوباسى اياسىندا 913 جاس مامان جۇمىسقا ورنالاسىپ, 314 مامان باسپانالى بولدى.
جاستارعا الەۋمەتتىك قولداۋ كورسەتۋ ماسقاتىندا بيىلعى جىلى اۋدان, قالالارداعى 500-دەن استام جۇمىسسىز ازاماتتى تۇركىستان قالاسىندا سالىنىپ جاتقان قۇرىلىس جۇمىستارىنا تارتۋ ءۇشىن «تۇركىستان جاستار قۇرىلىس جاساعى» قۇرىلىپ, مەردىگەر كومپانيالارىمەن كەلىسسوزدەر جۇرگىزىلۋدە. سونداي-اق مەملەكەت باسشىسىنىڭ تاپسىرماسىنا سايكەس وڭىرلىك «جاس سارباز» اسكەري-پاتريوتتىق جاستار قوزعالىسى قۇرىلدى. جاستار جىلىنا وراي بيىل ناۋرىز ايىنان باستاپ جىل سوڭىنا دەيىن «اۋدان جاستارىنىڭ تۇركىستانعا تارتۋى» اتتى اپتالىق ۇيىمداستىرىلىپ, 1000-نان استام مادەني-سپورتتىق ءىس-شارا وتكىزىلمەك. «تۇركى جاستارىنىڭ كونگرەسى» جانە «ورتا ازيا جاستارىنىڭ فورۋمى» حالىقارالىق ءىس-شارالارىن وتكىزۋ دە بيىلعى ايتۋلى جىلعا جوسپارلانعان يگى ىستەردىڭ ءبىرى.
عالىمجان ەلشىباي,
«Egemen Qazaqstan»
تۇركىستان وبلىسى
