«مەنىڭ ماقساتىم – ۇلى ۋكراينا. سوندىقتان پرەزيدەنت سايلاۋىنا قاتىسامىن» دەدى تيموشەنكو كيەۆتەگى باسقوسۋدا.
سونىمەن قاتار, پرەزيدەنت سايلاۋىن جەڭسە, ۇلتتىق بانكتى تولىق قاداعالاۋعا, حالىقتىڭ جالاقىسىن وسىرۋگە, سالىقتى تومەندەتۋگە ءسوز بەردى.
تيموشەنكو ەكونوميكالىق رەفورمالاردان بولەك, قىرىم مەن ۋكراينا شىعىسىنداعى مەملەكەتتەردىڭ ماسەلەسى جاي قالمايتىنىن ايتتى. بۋداپەشت مەموراندۋمىنىڭ اياسىندا وزدەرىنە تيەسىلى جەرلەردى قايتارىپ الاتىن ويىن جاسىرمادى.
ەسكە سالساق, بۇعان دەيىن 2010 جىلى تيموشەنكو پرەزيدەنت سايلاۋىنا قاتىسقان بولاتىن. بىراق ول سايلاۋدا ۆيكتور يانۋكوۆيچ جەڭىسكە جەتتى. سايلاۋدان كەيىن تيموشەنكوعا قاتىستى بىرنەشە ءىس قوزعالعان بولاتىن. 2014 جىلى تيموشەنكو ساياساتقا قايتا ورالدى.
