قازاقستان • 21 قاڭتار، 2019

الماتىداعى اتاقتى «بەلكا» بۇزىلماۋى مۇمكىن

264 رەتكورسەتىلدى

الماتىداعى اتاقتى ارت-نىسان - الىپ ءتيىن بۇزىلماۋى مۇمكىن. ءمۇسىننىڭ تەك بەت-بەينەسى وزگەرەتىن بولادى دەپ حابارلايدى قازاقپارات. 

اگەنتتىك ءتىلشىسىنىڭ ساۋالىنا قالالىق مادەنيەت جانە ارحيۆ باسقارماسىنداعىلار «قازىرگى تاڭدا ارت-نىسان اۆتورى الەكس رينسلەرمەن كەلىسسوز جۇرگىزىپ جاتىرمىز. بۇل مۇسىنگە رەستايلينگ جاسالۋى مۇمكىن» دەپ جاۋاپ بەرگەن.

ەسكە سالا كەتەيىك، الماتىدا «اتاكەنت ماڭىندا پايدا بولعان الىپ ءتيىن ءمۇسىنىن ورناتۋعا 23 ملن تەڭگە جۇمسالعان. ءمۇسىن اۆتورى بەلگىلى ۋربانيست الەكس رينسلەر ءوزىنىڭ جۇمىستارىن ادەتتە ءبىراز ۋاقىتتان سوڭ ورتەپ جىبەرەتىن.

ءتىپتى الماتىلىق ءتيىن كوكتەمدە الىنىپ تاستالادى دەپ تە كەلىسىلگەن بولاتىن. قالا ورتاسىندا قىمبات ءمۇسىننىڭ پايدا بولعانى كوپشىلىكتىڭ نارازىلىعىن تۋدىرعانى دا راس. قالا اكىمى باۋىرجان بايبەك ارت-نىسان تۋرالى ارنايى تۇسىنىكتەمە بەرگەن ەدى. 

سوڭعى جاڭالىقتار

الماتىدا زەرتحانالار سانى ارتادى

وڭتۇستىك قازاقستان • كەشە

ۇقساس جاڭالىقتار