وبلىستىق توتەنشە جاعدايلار دەپارتامەنتى ماماندارى قايعىلى جاعداي 18 قاڭتاردا كەشكى ساعات توعىزدار شاماسىندا العاباس اۋىلىنان 10 شاقىرىم جەردەگى بۇقتىرما سۋ قويماسىنىڭ اققۇدىق ۋچاسكەسىندە بولعانىن, ۆاز-2109 ماشيناسىمەن جولعا شىققان تۇرعىندار تۇماندا اداسىپ, كولىكپەن جۇرۋگە تىيىم سالىنعان جەرمەن وتپەك بولىپ, بايقاۋسىزدا كولىكتەرى مۇز استىنا ءتۇسىپ كەتكەنىن حابارلادى. كولىك سالونىندا ءۇش بالا مەن ەكى ەرەسەك ادام بولىپتى. تورتەۋى سۋ بەتىنە ءوز كۇشتەرىمەن شىققان كورىنەدى. دەپارتامەنتتىڭ ءباسپاسوز قىزمەتى قۇتقارۋشىلار كەشە, ياعني 19 قاڭتاردا تاڭعى مەزگىلدە 2013 جىلى تۋعان قىزدىڭ دەنەسىن ىزدەپ تاپقانىن جەتكىزدى.
ايتا كەتەيىك, بۇل – كۇرشىم اۋدانىنداعى العاشقى جاعداي ەمەس. وسىدان ءبىراز ۋاقىت بۇرىن ءبىر ادام كولىگىمەن مۇز استىنا ءتۇسىپ كەتىپ, قايتىس بولعان ەدى.
ازامات قاسىم,
«ەگەمەن قازاقستان»
شىعىس قازاقستان وبلىسى,
كۇرشىم اۋدانى
