«نۇر وتان» پارتياسى «كەدەرگىسىز كەلەشەك» جوباسى اياسىندا جارىمجان جاندارعا كەدەرگىسىز ورتا قالىپتاستىرۋ ماقساتىندا بىرقاتار ءىس-شارانى ىسكە اسىرۋدا تەكسەرىس بارىسىندا قالاداعى اۆتوبۋستاردىڭ 50 پايىزى تەكسەرىلدى. مونيتورينگ بارىسىندا اۆتوبۋستاردىڭ دەنىندە مۇگەدەكتەرگە ارنالعان ارنايى بەكىتپە, قوسىمشا تۇتقالار, جۇرگىزۋشىمەن بايلانىستىراتىن ارنايى تەتىكتەردىڭ بار ەكەندىگى انىقتالدى.
ال اۆتوبۋستاردىڭ كوپشىلىگىندە مەحانيكالىق پاندۋس, كوزى ناشار كورەتىندەر ءۇشىن ءتۇرلى ءتۇستى جارىق سيگنالىنىڭ بولماۋى سياقتى كەمشىلىكتەر انىقتالدى. اقمولا وبلىسىندا بۇگىنگى تاڭدا ادامداردى تاسىمالداۋمەن اينالىساتىن 212 مارشرۋت بار.
سونىمەن قاتار مۇمكىندىگى شەكتەۋلى ادامداردىڭ ءجۇرىپ تۇرۋىنا قولايلى بولۋى ءۇشىن وبلىستاعى اۆتوۆوكزال, اۆتوستانتسيالار تەكسەرىستەن ءوتىپ, مۇگەدەكتەرگە ارنالعان ورىنداردى جاساقتاۋ جوسپارى تۇر. بيىلعى جىلى كوكشەتاۋ قالاسىنداعى جەكە تاسىمالداۋشىلاردىڭ باستاماسىمەن مەملەكەتتىك-جەكە مەنشىك كاسىپكەرلىك اياسىندا قوسىمشا 36 اۆتوبۋس ساتىپ الۋ جوسپارلانىپ وتىر. - بۇل ءبىراز ماسەلەنىڭ شەشىمىن تابادى دەپ ويلايمىن. سەبەبى بۇل كولىكتەر جاڭا ستاندارتتارعا ساي اۆتوبۋستار. ولاردا مۇمكىندىگى شەكتەۋلى جانداردىڭ ءجۇرىپ تۇرۋىنا قولايلى جاعداي جاسالاتىندىعىنا سەنىمدىمىن,- دەيدى مونيتورينگتىك توپتىڭ مۇشەسى, «قازاق ساڭىراۋلار قوعامى» قوعامدىق بىرلەستىگى اقمولا فيليالىنىڭ جەتەكشىسى ليۋبوۆ سەنچەنكو. پارتيالىقتار بۇگىنگى كۇنى قالاداعى اۆتوبۋستاردىڭ باسىم بولىگى ەسكىرىپ تۇرعاندىعىن ايتۋدا. جاڭا ستاندارتتارعا ساي كەلەتىن اۆتوبۋستاردىڭ جوقتىعى دا بايقالۋدى دەيدى ولار.
«نۇر وتان» پارتياسىنىڭ اقمولا وبلىستىق فيليالى جانىنا قۇرىلعان كولىكتەردەگى مۇمكىندىگى شەكتەۋلى جانداردىڭ ءجۇرىپ تۇرۋىنا سايكەستىگىن باقىلايتىن ارنايى مونيتورينگتىك توپ جۇمىسىن ودان ءارى جالعاساتىن بولادى.
