قاڭىراپ بوس تۇرعان بۇل ءۇيدى قالپىنا كەلتىرۋگە وبلىستىق بيۋدجەتتەن 231 ميلليون تەڭگە قارجى بولىنگەن بولاتىن. كۇردەلى جوندەۋدەن وتكەن كوپقاباتتى ۇيگە جەتىم بالالار, كوپبالالى جانە از قامتىلعان وتباسىلار قونىستاندى. سونداي-اق, بۇرىنعى باسپاناسى اپاتتى دەپ تانىلعان بەس وتباسىنا دا وسى ۇيدەن پاتەر بۇيىردى.
باسپانالى بولىپ, قۋانىشقا بولەنگەن اقادىرلىقتارعا پاتەرلەردىڭ كىلتتەرىن شەت اۋدانىنىڭ اكىمى مارات جانداۋلەتوۆ تابىس ەتتى.
بۇدان بولەك, وتكەن جىلى وسى اۋداننىڭ اقجال جانە اقسۋ-ايۋلى كەنتتەرىندە دە 12 جانە 4 پاتەرلى ۇيلەر پايدالانۋعا بەرىلگەن بولاتىن. ال بىل شەت اۋدانىندا تاعى ءبىر 12 پاتەرلى ءۇي سالىنادى دەپ جوسپارلانعان.
قايرات ءابىلدا,
«ەگەمەن قازاقستان»
قاراعاندى وبلىسى
