وبلىستاعى جەرگىلىكتى بيۋدجەتتەن قارجىلاندىرىلاتىن بەينەۋ جانە سام مەملەكەتتىك ورمان مەكەمەلەرىنىڭ جالپى ورمان قورى جەرىنىڭ كولەمى – 241 599 مىڭ گا, ونىڭ ىشىندە ورمان جامىلعىسى 122 432 گا. قۇرايدى. ولاردا جىلىنا 300 گا جەرگە قارا سەكسەۋىل تۇقىمدارى سەبىلەدى. سوڭعى ەكى جىلدا 206 گا (2017 جىلى 148 گا, 2018 جىلى 56 گا) ورمان جامىلعىسى ورمان قورى جەرىنە قوسىلدى. بەينەۋ اۋىلىنداعى كارىزدىك تازارتۋ قوندىرعىسىنان تازارىپ شىققان سۋدى پايدالانۋعا لايىقتالعان, جىلىنا 1 ملن سەكسەۋىل وسكىندەرىن دايىنداۋعا ارنالعان قۇنى 98,0 ملن تەڭگە تۇراتىن جالپى كولەمى 8,75 گا تۇراقتى ورمان پيتومنيگىن سالۋدىڭ, سونداي-اق بوزاشى تۇبەگىندە مەملەكەتتىك رەزەرۆتەگى جەردە اۋماعى 76305 گا, قۇنى 67,0 ملن تەڭگە بولاتىن جاڭا ورمان مەكەمەسىن قۇرۋدىڭ بارلىق قۇجاتتارى دايىن. سونىمەن قاتار «ماڭعىستاۋ وبلىسى اكىمدىگىنىڭ ورماندارىن مولىقتىرۋ جانە ورمان ءوسىرۋ كولەمىن ۇلعايتۋدىڭ 2019-2030 جىلدارعا ارنالعان قادامدىق جوسپارى» قر اشم ۆيتسە مينيسترىمەن كەلىسىلىپ, بەكىتىلگەن.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
