بايقاۋدىڭ ماقساتى-دارىندى وقۋشىلاردى انىقتاۋ,ولارعا قولداۋ كورسەتۋ. كوماندا قۇرامىنا 6 وقۋشى جانە جەتەكشى بار. بايقاۋ نوميناتسيالارى شەشەندىك ونەر, كوركەمسوز وقۋ, شىعارما جازۋ, ۇلتتىق اسپاپتا ويناۋ,اقىندار ايتىسى, مۇشايراعا قاتىسۋى ارقىلى باعالانادى.
بايقاۋدا «شەشەندىك ونەرلەرىمەن» كوزگە تۇسكەن مۇباراك ايدانا اسىعات ۇلى شىڭعىس, نىعمەتۋللا كاميلا, حاماناي اسحات, امەتوۆا اديا, نىعمەت ايتولقىن, جومارتوۆ مەيرام ۇزدىك اتاندى.ۇيىمداستىرۋشىلاردىڭ ايتۋىنشا, بايقاۋ جاس ۇرپاقتىڭ بويىنا وتانشىلدىق پەن ۇلتتىق رۋحتى ءسىڭىرۋ, ءتىلدى, ادەبيەتتى جەتە مەڭگەرۋ ماقساتىندا وتكىزەدى.
جاس دارىندار اراسىنان گۋمانيتارلىق–ەستەتيكالىق عىلىمدار سالاسىندا كاسىپتىك قىزمەتىن تاڭداۋعا شىعارماشىلىق قابىلەتى جوعارى, تالانتتى ونەرلى بالالاردى ىزدەپ تابۋ, كاسىبي باعدار بەرۋ, ۇلتتىق ورتانى قالىپتاستىرۋعا جول كورسەتىپ, شەشەندىك قابىلەتتەرىنە باسا دەن قويۋ, تابيعي تانىمدىق قابىلەتتەرىن ايقىنداۋ.
ال, بەردمۇرات مارات, ەرعالي نازەركە, قايىرباەۆا ايدانا, مۇحامەتجان ارۋجان, وسپان تولقىن, قۇناشەۆا ءدىلنۇرلار جاقسى شىعارما جازدى.بۇدان كەيىن وقۋشىلار مۇشايراعا قاتىسىپ, ولەڭدەر وقىدى, ايتىسقا قاتىستى. ال, احات احمەدي, قابيدەنوۆ الديار, اللاجاروۆا دينارا, ارىنوۆ دانيال; سەرىك بەكسولتان, ورازباي ايگەرىم, باكىر ءداريا, زارەما نۇرگازينوۆالار دومبىرا, قوبىزدا كۇي تارتىپ ءوز ونەرلەرىن كورسەتە ءبىلدى.
بايقاۋ اۋداندىق وبلىستىق, رەسپۋبليكالىق كەزەڭدەرگە بولىنەدى. سوندىقتان, وبلىستىق بايقاۋدان ۇزدىك شىققان ايدانا مۇباراك, ازامات بازارباي, مارلەن ورازباەۆ, گۇلنار جانبولات, مارات بەردىمۇرات, احمەدي احا رەسپۋبليكالىق بايقاۋعا قاتىسادى.
فاريدا بىقاي,
«ەگەمەن قازاقستان»
پاۆلودار
سۋرەتتى تۇسىرگەن ايقىن بولاتحان
