سوندىقتان, وتكەن جىلى ءوڭىردىڭ اۋداندارىندا كينولوگيا قىزمەتى جۇمىسىن باستادى. ءار اۋدانعا ءبىر يت بولىنگەن. قازىر ارنايى ماماندار يتپەن جۇمىس ىستەۋدى ۇيرەنۋدە. الداعى ۋاقىتتا كينولوگتار الماتىدا وقۋ مەن جاتتىعۋدان وتەدى. وبلىس ورتالىعىندا ىزدەردى ءيىس ارقىلى انىقتاۋعا مۇمكىندىك بەرەتىن ودورولوگيالىق زەرتحانا اشىلدى. زەرتحانادا كريميناليست ماماندار قىلمىس ورىن العان جەردەن بىرنەشە ءيىس الادى.
ال, كينولوگيالىق قىزمەت ورتالىعىندا 29 يت بار. ولارمەن 11 كينولوگ جۇمىس ىستەيدى.كينولوگتاردىڭ ايتۋىنشا, اۋداندارداعى ورىن العان قىلمىسقا وبلىس ورتالىعىنداعى يتتەردى جىبەرۋ ارقىلى ۋاقىت كەتەدى. اۋدانداردا قىلمىستى جەدەل اشۋ ءۇشىن كينولوگيا قىزمەتى اشىلۋدا.
كينولوگتاردا ءيىس سەزگىش, ءدال انىقتايتىن «ۋلليس ەسىمدى, «ريو» اتتى يتتەر بار. وتكەن جىلى قوقىستان تابىلعان ءسابيدىڭ اناسىن ءيىس ارقىلى پوليتسەيدى سول ۇيگە الىپ بارعان.
وبلىستىق پوليتسيا دەپارتامەنتىنىڭ كينولوگيالىق قىزمەت ورتالىعىندا سپانيەل, لابرادور تۇقىمدى يتتەرمەن, نەمىس جانە بەلگيالىق وۆچاركالارى پوليتسەيلەرمەن بىرگە قىزمەت ەتۋدە.
ءار ءيتتىڭ ءوز قوجايىنى, اتقاراتىن مىندەتى بار. قىزمەتتىك يتتەر 8 جىلدان قىزمەت ەتەدى.
فاريدا بىقاي,
«ەگەمەن قازاقستان»
پاۆلودار
