- جاڭا جىل باستالعان بويدا ەرلەر مەن ايەلدەر اراسىندا ۇلتتىق قۇراماعا ىرىكتەۋ ءتۋرنيرى ءوتتى. وكىنىشكە قاراي, ەكى جارىس كۇنىندە دە مەن 4-ءشى ورىننان كورىندىم. ءبىر سوزبەن ايتقاندا, بۇل ايتارلىقتاي جاقسى ناتيجە ەمەس. دەگەنمەن, مۇنىمەن توقتاپ قالمايمىن. الداعى جارىستارعا تىڭعىلىقتى تۇردە دايىندالامىن. كوپشىلىك ويلاعانداي, بىزدە جاڭا ماۋسىم ەندى باستالعان جوق. ماۋسىمنىڭ شىمىلدىعى سوناۋ كۇزدە اشىلدى. بۇل تەك جالعاسى, - دەيدى تەننيسشى.
زاۋرەش اقاشەۆا رەسەي سۋپەرليگاسىندا ويناۋدىڭ ارتىقشىلىقتارى جونىندە دە وي ءبولىستى.
- ءبىز «استانا» كومانداسى ساپىندا رەسەي سۋپەرليگاسىندا ەكى تۋر ويىندارىن وتكىزدىك. قاراشا مەن جەلتوقسان ايلارىندا ورىنبور قالاسىنا بارىپ, ۇزدىك رەسەيلىك كوماندالارعا قارسى وينادىق. شىنىمدى ايتسام, رەسەيدەگى كوماندالاردىڭ دا, ويىنشىلاردىڭ دا دەڭگەيى بولەك. باسەكەلەستىك وتە جوعارى. كاسىبي, شەبەر سپورتشىلارعا قارسى ويناۋ ءبىزدى دە شىڭداي تۇسەرى ءسوزسىز. بۇل ءبىزدىڭ كوماندا ءۇشىن ۇلكەن تاجىريبە, - دەيدى زاۋرەش.
قازاقستاندىق سپورتشى الداعى ۋاقىتتا ەل سپارتاكياداسى مەن توپ-12 سايىسىندا سىنعا تۇسەدى.
