16 قاڭتار، 2019

«تاتۋلىق» ورتالىعىنىڭ پايداسىن داۋلاسقاندار كورەدى

376 رەتكورسەتىلدى

قاراعاندى وبلىسىنىڭ وساكاروۆ اۋدانىندا اشىلعان «تاتۋلىق» مەدياتسيا ورتالىعىندا كاسىبي مەدياتورلار مەن ەل ىشىنە سىيلى  اقساقالدار قىزمەت ەتەتىن بولادى.

جاڭا ورتالىق تۇساۋ كەسكەننەن كەيىن وساكاروۆ اۋدانىنىڭ اكىمى نۇركەن قوبجانوۆ پەن اۋداندىق سوتتىڭ توراعاسى نۇر ءابىلحانوۆ ءوزارا ارىپتەستىك تۋرالى مەموراندۋمعا قول قويدى. تاراپتاردىڭ ۇيعارىمىنشا، مۇنداي تاجىريبە كەز كەلگەن داۋلى ماسەلەنى سوتقا جەتكىزبەي رەتتەۋ  ۇدەرىسىن بەلسەندى دامىتۋعا سەپتىگىن تيگىزبەك.

شەشەندىك ونەرى جانە ەل اراسىندا بەدەلى بار اقساقالداردىڭ ادامدار اراسىنداعى داۋ-دامايلاردى شەشۋدە ىقپالى زور دەپ ەسەپتەيدى مەدياتسيا ورتالىعىنىڭ ماماندارى. ورتالىق قىزمەتىنە تەك جەكە تۇلعالار عانا ەمەس، كومپانيالار مەن بيزنەس بويىنشا سەرىكتەستەر دە جۇگىنە الادى.

– تۇرعىندار ءۇشىن كەز كەلگەن داۋدى سوت قاراۋىنا دەيىن جەتكىزبەي شەشۋگە مۇمكىندىك تۋدى. مەدياتسيا جانجالداردى بەيبىت تۇردە، ەكى جاققا دا جاعىمسىز سالدارسىز شەشۋگە كومەكتەسەدى دەپ ۇمىتتەنەمىز، – دەيدى اۋدان اكىمى نۇركەن قوبجانوۆ.

ايتسا ايتقانداي، اتالعان تاجىريبە قازىردىڭ وزىندە جەمىسىن بەرە باستاعان. وساكاروۆ اۋداندىق پوليتسيا ءبولىمىنىڭ مالىمەتى بويىنشا، 2018 جىلى مەدياتورلاردىڭ كومەگىمەن تاراپتاردىڭ تاتۋلاسۋى ارقاسىندا 10 قىلمىستىق ءىس سوتقا جەتكىزىلمەي شەشىمىن تاپقان.

قايرات ءابىلدا،

«ەگەمەن قازاقستان»

قاراعاندى

سوڭعى جاڭالىقتار

اۋىلداعى جۇرت ءالى سەنبەيدى

قوعام • بۇگىن، 13:23

ەرىكتىلەرگە ەل العىس ايتتى

ايماقتار • بۇگىن، 11:16

ۇقساس جاڭالىقتار