قازاقستاننىڭ تاۋەلسىز تاريحىندا (1997-1999 جىلدارى, 2011 جانە 2015 جىلدارى) بيزنەس سۋبەكتىلەرىنىڭ قارجىلىق-شارۋاشىلىق قىزمەتىن ساۋىقتىرۋ ءۇشىن ءوسىمپۇلدى جانە ايىپپۇلدى ەسەپتەن شىعارۋ بويىنشا سالىقتىق راقىمشىلىق جۇرگىزىلدى.
تەك سوڭعى ەكى اكتسيا شەڭبەرىندە (2011 جانە 2015 جىلدار) ءوسىمپۇل مەن ايىپپۇل بويىنشا جالپى سوماسى 143,7 ملرد.تەڭگە, ونىڭ ىشىندە 2011 جىلى – 23,1 ملرد.تەڭگە, 2015 جىلى – 120,6 ملرد.تەڭگە ەسەپتەن شىعارىلدى.
راقىمشىلىق, سالىقتى ۋاقىتىلى تولەۋگە پوتەنتسيالدى مۇمكىندىگى بار, جوعارى نورمادا ۇدايى پايدا الىپ وتىرعان سالالاردا قىزمەتىن جۇزەگە اسىراتىنداردى قوسپاعاندا, بارلىق سالىق تولەۋشىلەرگە قولدانىلدى.
اتالعان اكتسيالار وڭتايلى اسەر اكەلدى, سونىمەن, 2015 جىلعى سالىقتىق راقىمشىلىققا قاتىسۋشىلاردىڭ 67 پايىزىندا بۇگىنگى كۇنى سالىقتىق بەرەشەگى جوقتىعىن ايتۋ كەرەك.
بۇل 680 مىڭنان استام سالىق تولەۋشىلەر, ونىڭ 17 مىڭى – زاڭدى تۇلعالار, 105 مىڭى – دارا كاسىپكەرلەر, 557 مىڭى – جەكە تۇلعالار, ياعني قاراپايىم حالىق.
2019 جىلى جۇرگىزىلەتىن سالىقتىق راحىمشىلىق بويىنشا نورمالار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسىنىڭ اكىمشىلىك-اۋماقتىق قۇرىلىسى جانە كولەڭكەلى ەكونوميكاعا قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ 2018 جىلعى 28 جەلتوقسانداعى № 210-ءVى قرز زاڭىمەن «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قازاقستان رەسپۋبليكاسىنىڭ كودەكسىن (سالىق كودەكسى) قولدانىسقا ەنگىزۋ تۋرالى» 2017 جىلعى 25 جەلتوقسانداعى قازاقستان رەسپۋبليكاسىنىڭ زاڭىنا ەنگىزىلگەن ءتيىستى تولىقتىرۋلارمەن بەكىتىلدى.
وسىلايشا, مەملەكەت باسشىسىمەن 2018 جىلعى 28 جەلتوقسانىندا قول قويىلعان زاڭ 2019 جىلدىڭ 1 قاڭتارىنان باستاپ قولدانىسقا ەندى. وسى زاڭعا سايكەس, سالىقتىق راقىمشىلىق شاعىن جانە ورتا بيزنەس سۋبەكتىلەرىنە 2018 جىلدىڭ 1 قازانىنداعى نەگىزگى قارىزىن 2019 جىلدىڭ 31 جەلتوقسانىنا دەيىن تولەگەن جاعدايدا ءوسىمپۇل مەن ايىپپۇلدى ەسەپتەن شىعارۋدى كوزدەيدى.
بۇل رەتتە ازىرلەنگەن تۇزەتۋگە سايكەس مونيتورينگكە جاتاتىن, ءىرى سالىق تولەۋشىلەر, جەر قويناۋىن پايدالانۋشىلار (جەر استى سۋىن ءوندىرۋ, ەمدەۋ بالشىعىنا قۇقىعى بار جەر قويناۋىن پايدالانۋشىلاردى قوسپاعاندا), اكتسيزدەلەتىن ءونىمدى وندىرەتىن وندىرۋشىلەر سالىقتىق راقىمشىلىققا جاتپايدى.
الدىن-الا دەرەكتەر بويىنشا 2018 جىلعى 1 قازانداعى جاعدايعا سايكەس 340,6 ملرد. تەڭگە سالىق بەرەشەگى بار 90 077 شاعىن جانە ورتا بيزنەس سۋبەكتىلەرى (31 210 زاڭدى تۇلعالار جانە 58 867 دارا كاسىپكەرلەر) راقىمشىلىققا جاتادى.
بۇل رەتتە, ەگەردە نەگىزگى قارىزدى 210,4 ملرد.تەڭگە كولەمىندە تولەگەن جاعدايدا ەسەپتەن شىعارۋعا جاتاتىن ءوسىمپۇلدىڭ جالپى سوماسى - 122,9 ملرد.تەڭگە, ايىپپۇلدىڭ سوماسى – 7,3 ملرد.تەڭگەنى قۇرايدى.
بۇل رەتتە 2018 جىلعى 1 قازاننان باستاپ نەگىزگى قارىز سوماسىن تولەۋ كۇنىنە دەيىن ەسەپتەلگەن ءوسىمپۇل سوماسى ەسەپتەن شىعارىلادى.
ايىپپۇل مەن ءوسىمپۇل بويىنشا جيناقتالعان قارىزىنان بوساتۋ ءۇشىن سالىق تولەۋشىلەرگە 2018 جىلعى 1 قازانداعى جاعدايىندا سالىقتار بويىنشا نەگىزگى قارىزىنىڭ سوماسىن بيۋدجەتكە تولەۋ قاجەت ەكەندىگىنە تاعى دا نازار اۋدارامىز. ياعني, ءوسىمپۇل مەن ايىپپۇل سوماسى نەگىزگى قارىزى تولەنگەن جاعدايدا عانا ەسەپتەن شىعارىلادى.
قارجى مينيسترلىگىمەن سالىقتىق راقىمشىلىقتى وتكىزۋدىڭ ەگجەي-تەگجەيلى مەحانيزىم قاراستىراتىن ءوسىمپۇل مەن ايىپپۇلدى ەسەپتەن شىعارۋ قاعيداسى ازىرلەنىپ, الداعى ۋاقىتتا بەكىتىلەتىن بولادى.
وسىلايشا, مەملەكەتتىك كىرىستەر ورگاندارى ءوسىمپۇل مەن ايىپپۇلدى ەسەپتەن شىعارۋ بويىنشا تىكەلەي جۇمىسىنا شامامەن 2019 جىلدىڭ ناۋرىزىندا كىرىسەدى. جالپى, سالىقتىق راقىمشىلىق كاسىپكەرلەردى قولداۋدىڭ پارمەندى مەحانيزمى بولادى جانە نەگىزگى سالىقتاردى تولەۋگە جاقسى مۇمكىندىك بەرەدى دەپ كۇتىلۋدە.
راحىمشىلىققا ىلىگۋ ءۇشىن سالىق تولەۋشىلەرگە ەشقايدا بارۋدىڭ قاجەتى جوق, مەملەكەتتىك كىرىستەر ورگاندارى سالىقتىق بەت ەسەپتەرىنە مونيتورينگ جاساپ, نەگىزگى سالىق قارىزىن تولەگەن جاعدايدا, ءۇش جۇمىس كۇننەن كەشىكتىرمەي ەسەپتەن شىعارۋ تۋرالى ءتيىستى شەشىمدەرىن شىعارىپ وتىرادى.
سالىق تولەۋشىلەر نەگىزگى قارىزى, ءوسىمپۇل مولشەرىنىڭ سوماسىن انىقتاۋ ءۇشىن «سالىق تولەۋشىنىڭ كابينەتى» ۆەب-قوسىمشاسىندا بەت ەسەبىنەن ءۇزىندى الۋىنا بولادى.
سونداي-اق, كوميتەتتىڭ www.kgd.gov.kz ينتەرنەت-رەسۋرسى جانە «ەلەكتروندىق ۇكىمەت» پورتالى «سالىقتىق بەرەشەكتىڭ جوقتىعى (بار بولۋى) تۋرالى اقپارات» ەلەكتروندى سەرۆيسى ارقىلى ونلاين رەجيمىندە جسن/بسن بويىنشا سالىقتىق بەرەشەكتىڭ بولۋى / بولماۋى تۋرالى اعىمداعى اقپاراتتى الۋعا بولادى.
وڭالتۋ راسىمىندەگى جانە سالىقتار بويىنشا تولەۋ مەرزىمىن ۇزارتقان سالىق تولەۋشىلەرگە قاتىستى راحىمشىلىق قولدانۋدىڭ ءتارتىبى باسقاشا.
سالىقتىق راحىمشىلىققا ىلىگۋ ءۇشىن وسىنداي سالىق تولەۋشىلەر مەملەكەتتىك كىرىستەر ورگاندارىنا ءتيىستى ءوتىنىشتى جولداپ, سالىقتار بويىنشا نەگىزگى قارىزىن ەرتەرەك تولەۋى قاجەت.
ودان باسقا, وڭالتۋ راسىمىندەگى سالىق تولەۋشىلەر وڭالتۋ جوسپارىنا وزگەرىس ەنگىزىپ, ونى كرەديتورلار جينالىسىندا كەلىسىپ, سوتپەن بەكىتۋى قاجەت.
