قوناقتار الدىمەن قۇرىلىستى جۇرگىزەتىن كومپانيالاردىڭ جۇمىسشىلارىمەن كەزدەسىپ, ولاردىڭ ەڭبەك جاعدايىمەن تانىستى.
تۇركىستان قالاسىنىڭ باس جوسپارى بويىنشا 7,7 گەكتار اۋماققا اكىمشىلىك ىسكەرلىك-ورتالىعى سالىناتىن بولادى. وندا وبلىس اكىمشىلىگى, باسقارمالار مەن اۋماقتىق دەپارتامەنتتەر ءۇيىنىڭ عيماراتتارى بوي كوتەرەدى. قۇرىلىس جۇمىستارى اعىمداعى جىلدىڭ قاڭدار ايىندا باستالىپ, 2020 جىلدىڭ ناۋرىز ايىندا اياقتالادى دەپ كۇتىلۋدە.
سونداي-اق, استانا قالاسىنىڭ تاپسىرىسى بويىنشا شاھاردىڭ شىرايىن ارتتىراتىن «استانا» الاڭى بوي كوتەرەتىن بولادى. ونىڭ قۇرىلىس جۇمىستارى 2019 جىلدىڭ ناۋرىز ايىندا باستالىپ, 2020 جىلدىڭ جەلتوقسان ايىندا اياقتالادى. 4,7 گەكتار اۋماققا سالىناتىن نىساننىڭ قۇرىلىس جۇمىستارىنا 100 ادام جۇمىلدىرىلماق.
سونىمەن قاتار, «سامۇرىق-قازىنا» ۇلتتىق ءال-اۋقات قورى» اكتسيونەرلىك قوعامىنىڭ تاپسىرىسىمەن 1000 ادامعا شاقتالعان كونگرەسس ورتالىق سالىناتىن بولادى. مادەني وشاقتىڭ قۇرىلىس جۇمىستارى كەلەسى ايدا باستالىپ, 2020 جىلدىڭ سوڭىندا اياقتالادى. نىساننىڭ جالپى اۋماعى 3 گەكتاردى, ال عيماراتتىڭ جەر كولەمى 14 200 شارشى مەتردى قۇرايدى.
ودان بولەك, «سامۇرىق-قازىنا» ۇلتتىق ءال-اۋقات قورى» اكتسيونەرلىك قوعامى وقۋشىلار سارايىنىڭ قۇرىلىسىن جۇرگىزۋگە تاپسىرىس جاساعان. 1 گەكتار جەردىڭ 10 000 شارشى مەترىنە زاماناۋي ۇلگىدەگى ساۋلەتتى عامارات تۇرعىزىلاتىن بولادى. قۇرىلىس جۇمىستارى وسى جىلدىڭ اقپان ايىندا باستالىپ, 2020 جىلدىڭ جەلتوقسان ايىندا پايدالانۋعا بەرىلەدى.
ايتا كەتەرلىگى, بۇگىندە تۇركىستان قالاسىندا سالىناتىن عيماراتتاردىڭ جەر تەلىمدەرى بەلگىلەنىپ, جوبالار بەكىتىلگەن.
