ول وسى ماسەلە تۋرالى ىشكى ىستەر ءمينيسترى قالمۇحانبەت قاسىموۆ پەن مادەنيەت جانە سپورت ءمينيسترى ارىستانبەك مۇحامەدي ۇلىنىڭ اتىنا ءتيىستى دەپۋتاتتىق ساۋال جولدادى.
«ستاديونعا وتەتىن تۋرنيكەتتەردە ۇزىن-سونار كەزەكتە تۇراتىندار كوپ. كوپ ادامدار ويىن كورۋگە وتباسىمەن كەلەدى. ولار ستاديونعا جان-جاقتان قىسىلىپ ارەڭ وتەدى», دەدى ول.
سونىمەن قاتار, دەپۋتات ستاديونعا جەتكەن كەزدە دە كەدەرگىلەر بولاتىنىن اتاپ ءوتتى. تومەندەگى ءبىرىنشى قاتارلار مەن جوعارىداعى قاتارلارعا جانكۇيەرلەر جىبەرىلمەيدى. بارلىق وركەنيەتتى ەلدەردە قىزمەت كورسەتەتىن ادامدار الاڭنىڭ شەتىنە, باسپالداق وتكەلىنە, سونداي-اق ستاديونداعى ءبىرىنشى قاتاردىڭ شەتكى ورىندارىنا جايعاسادى. بىزدە ستيۋاردتار مەن ۇلتتىق گۆارديا قىزمەتشىلەرى تومەنگى ءبىرىنشى قاتار مەن جوعارى قاباتتا تۇرادى.
«ادامدار فۋتبولدى تاماشالاۋعا كەلەدى. الايدا ولار فۋتبولدىڭ ورنىنا الدىنداعى قىزمەتشىلەردى, ياعني الاڭداعى كورىنىستى جاۋىپ تۇرعان فورماداعى ادامداردى عانا كورە الادى. بۇل ءوز كەزەگىندە جانكۇيەرلەردىڭ نارازىلىعىن تۋدىرادى. بۇدان بولەك, باپكەرلەر قۇرامى مەن ويىنشىلار ورىندارىنان كەيىن تۇرعان سەكتورلارداعى كورىنىستە كەمشىلىك بار. نەگە وسى ورىندار جابىق شاتىرشامەن جابدىقتالعان؟ بۇل نىساننان كەيىنگى قاتارلار پايدالانىلماۋى مۇمكىن. ويتكەنى وسى قاتارلاردا وتىرعاندار ەشتەڭە كورە المايدى. بارلىعىن ەسەپتەسەك, 1000 تارتا ورىن پايدالانىلماي قالادى. وسى تەكتەس كەمشىلىكتەر سالدارىنان جانكۇيەرلەر مۇددەلەرى مۇلدەم نازارعا الىنباي وتىر. وسىنداي كەدەرگىلەردى جويۋ ۇشىن دامىعان ەۋروپالىق ەلدەردىڭ تاجىريبەسىن زەرتتەۋ قاجەت », دەدى م. ماگەرراموۆ.
