16 قاڭتار، 2019

جانكۇيەرلەر «استانا وپەرا» بالەت ترۋپپاسىن نۇرسۇلتان نازارباەۆ اۋەجايىندا قارسى الدى

258 رەتكورسەتىلدى

استانا ۋاقىتى بويىنشا ساعات 6:15-تە ەلوردامىزعا ەۋروپاداعى سالتاناتتى گاسترولىن تامامداعان «استانا وپەرا» تەاترىنىڭ بالەت ترۋپپاسى ورالدى. بالەت ترۋپپاسىنىڭ كوركەمدىك جەتەكشىسى التىناي اسىلمۇراتوۆا باستاعان ارتىستەردى تاڭسارىدەن تەاتر ديرەكتورى، قازاقستاننىڭ ەڭبەك سىڭىرگەن قايراتكەرى عالىم احمەدياروۆ، شىعارماشىلىق ۇجىم، سونىمەن بىرگە اسقاق ونەردى باعالاۋشىلار قارسى الدى.

رەسەيدىڭ حالىق ءارتىسى، بالەت ترۋپپاسىنىڭ كوركەمدىك جەتەكشىسى التىناي اسىلمۇراتوۆا ەلىمىزدىڭ جەتەكشى باق وكىلدەرىنە سۇحبات بەرىپ، وندا ەۋروپالىق كورەرمەننىڭ ىستىق ىقىلاسپەن قارسى العاندىعىن اتاپ ءوتتى. سونداي-اق ا.اسىلمۇراتوۆا ترۋپپاعا جاڭا تاجىريبە بەرەتىن گاسترولدەردىڭ ماڭىزدىلىعىنا ەرەكشە توقتالدى.

- گاسترول «رۋحاني جاڭعىرۋ» باعدارلاماسىن جۇزەگە اسىرۋ اياسىندا قر مادەنيەت جانە سپورت مينيسترلىگىمەن ۇيىمداستىرىلعان بولاتىن. ەۋروپالىق گاسترولدىك ساپار ۇلتتىق وپەرانىڭ جاۋھارى ا.جۇبانوۆ پەن ل.ءحاميديدىڭ «اباي» وپەراسىنىڭ قويىلىمىمەن 2018 جىلى قاراشادا باستالىپ، يتاليا مەن يسپانيادا بالەتتىك سپەكتاكلدەرمەن جالعاسىن تاپتى، وندا ارتىستەر پ.چايكوۆسكيدىڭ «ششەلكۋنچيك» پەن «اققۋ كولىنىڭ» 18 سپەكتاكلىن ۇسىندى. ءبىر اي ىشىندە بالەتتەردى شامامەن 22 مىڭ كورەرمەن تاماشالاعان. گەنۋيا مەن ۆالەنسيانىڭ كورەرمەندەرى ءبىزدى جىلى نيەتپەن قارسى الدى. وسى ۋاقىت ىشىندە «استانا وپەرا» تەاترى مەن قازاقستاندىق كورەرمەندى ساعىنىپ ۇلگەردىك. الدىمىزدا اۋقىمدى جۇمىستار، جاڭا سپەكتاكلدەر تۇر، ءبىز سىزدەردى اسىعا كۇتەمىز، دەدى ا.اسىلمۇراتوۆا.

- ەلگە قايتىپ ورالعانىمىزعا وتە قۋانىشتىمىز، تەاترىمىز بەن كورەرمەندەرىمىزدى قاتتى ساعىنىپ قالدىق. گاسترولدىك ساپار جوعارى دەڭگەيدە ءوتتى، بارلىق جەردە ءبىزدى سۇيسىنە قارسى الدى، بۇل بىزگە قۋانىش سىيلايدى. ەلىمىزدى وزگە مەملەكەتتە كورسەتۋ، تانىستىرۋ جاۋاپتى ءىس ەدى، ءبىز ءمىنسىز تەحنيكا مەن اكتەرلىك شەبەرلىكتى پاش ەتۋگە ءتيىستى ەدىك، سىنشىلاردىڭ پىكىرلەرىنە قاراعاندا، بۇل قولىمىزدان كەلگەن سياقتى، دەدى جەتەكشى سوليست، قازاقستاننىڭ ەڭبەك سىڭىرگەن قايراتكەرى ءمادينا باسباەۆا.

سوڭعى جاڭالىقتار

ۇقساس جاڭالىقتار