ەسكە سالا كەتەيىك, وتكەن جىلدىڭ سوڭىندا استانادا اكتسيانىڭ قورىتىندى ۇتىسى وتكىزىلىپ, جەڭىمپازعا اۆتوكولىك كىلتى تابىس ەتىلدى. مەملەكەتتىك كىرىستەر كوميتەتىنىڭ مالىمەتىنشە, اكتسيا وتكىزىلگەن كەزەڭدە 30 مىڭ ازاماتتان شامامەن 2,3 ملن. چەك قابىلدانعان. چەكتەردىڭ باسىم بولىگى الماتى قالاسى مەن تۇركىستان وبلىسىنان جىبەرىلىپتى. جالپى رەسپۋبليكا بويىنشا 300-گە جۋىق جۇلدە ويناتىلعان.
مىنە سول جۇلدەلەردىڭ بىرىنە لايىق دەپ تانىلعان قاتىسۋشىلاردىڭ ءبىرى - تۇركىستان وبلىسى لەڭگىر قالاسىنىڭ تۇرعىنى جانار قوزعامباەۆا. ول اكتسيانىڭ ءموبيلدى قوسىمشاسىنىڭ تالداۋ ورتالىعى دەرەكتەرىنە سايكەس «ەڭ بەلسەندى سالىق تولەۋشى» نوميناتسياسىندا جەڭىمپاز رەتىندە ايقىندالعان. اكتسيا بارىسىندا 91 مىڭنان اسا چەك جىبەرگەن جانار قوزعامباەۆاعا ىنتالاندىرۋ جۇلدەسى – پلانشەت تاعايىندالعان ەكەن.
ء«يا, اكتسيانىڭ ماقساتى دۇرىس, پايداسى مول. وسىنداي يگى شاراعا ءۇشىنشى جىل قاتىسىپ, ءوز ۇلەسىمدى قوستىم. بۇل شارا باستالعان كۇننەن اياقتالعانعا دەيىن چەكتەردى بارلىق تالاپتارى بويىنشا تەلەفون ارقىلى كۇندەلىكتى جىبەرىپ وتىردىم. تۋعان-تۋىستارىما دا ساتىپ العان تاۋارلارىنا تۇبىرتەك الۋىن تالاپ ەتتىم. وسىلايشا سالىق ءتۇسىمىنىڭ كوبەيەتىنىنە ءوز ۇلەستەرىن قوساتىنىن ايتىپ ءتۇسىندىردىم. مەن ەكى-ءۇش تەلەفوننان 126 084 چەك جىبەرگەنمىن. تاۋارلاردى ساتىپ العانى, جۇمىستاردى ورىنداعانى جانە قىزمەتتەردى كورسەتكەنى ءۇشىن اقشالاي ەسەپ-ايىرىسۋلار كەزىندە كاسىپكەرلەردىڭ تۇبىرتەكتەردى بەرۋىنە قاتىستى باقىلاۋ-كاسسالىق ءتارتىپتى قامتاماسىز ەتۋگە باعىتتالعان اكتسيا جاقسى باستاما جانە يگى ءىس», - دەيدى جانار قوزعامباەۆا.
عالىمجان ەلشىباي,
«ەگەمەن قازاقستان»
تۇركىستان وبلىسى
