قازاقستاندىق تاراپتان كەزدەسۋگە احقو باسقارۋشىسى ق.كەلىمبەتوۆ تە قاتىستى.
كەزدەسۋ بارىسىندا كونستيتۋتسيالىق كەڭەس توراعاسى شەتەلدىك قوناقتى كونستيتۋتسيالىق كەڭەستىڭ نەگىزگى زاڭنىڭ ۇستەمدىگىن قامتاماسىز ەتۋ جونىندەگى قىزمەتىمەن, سونداي-اق, 2017 جىلى قازاقستاندا جۇرگىزىلگەن كونستيتۋتسيالىق رەفورمانىڭ نەگىزگى, ونىڭ ىشىندە «استانا» حالىقارالىق قارجى ورتالىعىنداعى ەرەكشە قۇقىقتىق رەجيمگە قاتىستى باعىتتارىمەن تانىستىردى.
بۇدان باسقا, تاراپتار اعىمداعى جىلعى قىركۇيەك ايىندا استانا قالاسىندا حالىقارالىق سۋديالار قاۋىمداستىعى (حسق) مەن سوت اكىمشىلىگى جونىندەگى حالىقارالىق قاۋىمداستىقتىڭ (ساجحق) بىرلەسكەن فورۋمىن ۇيىمداستىرۋ جانە وتكىزۋ ماسەلەلەرىن تالقىلادى.
قازاقستان سۋديالار وداعى حسق-قا 2004 جىلى ەكستراوردينارلىق مۇشە رەتىندە كىردى, ال 2011 جىلى وسى بەدەلدى حالىقارالىق قۇرىلىمنىڭ تولىققاندى مۇشەسى بولدى. 2016 جىلدان باستاپ قازاقستان ساجحق جۇمىسىنا قاتىسادى.
شەتەلدىك قوناق ۇلتتىق سوت جۇيەلەرىنىڭ الدىندا تۇرعان جالپى مىندەتتەردى شەشۋ ءۇشىن حالىقارالىق سوت قاۋىمداستىعىن شوعىرلاندىرۋعا باعىتتالعان ساجحق-نىڭ قىزمەتى تۋرالى حاباردار ەتتى.
قورىتا كەلە, ق.ءمامي شەتەلدىك ارىپتەسىنە قازاقستاندا جۇرگىزىلىپ جاتقان قۇقىقتىق رەفورمالارعا ۇلكەن قىزىعۋشىلىق تانىتقانى ءۇشىن العىس ايتىپ, قۇقىق ۇستەمدىگى قاعيداتتارىن بەكىتۋ سالاسىنداعى ىنتىماقتاستىقتىڭ تابىستى جالعاساتىنىنا سەنىم ءبىلدىردى.
