تۇركى حالىقتارىنىڭ ىشىندەگى اۋماعى ەڭ ۇلكەن رەسپۋبليكانى بىلەسىز بە؟ ءا دەگەننەن ەسىڭىزگە قازاقستان تۇسەتىنى انىق. جەر كولەمى جاعىنان الەمدە توعىزىنشى ورىنعا تۇراقتاعان كەڭ جازيرا دالامىزعا بەس فرانتسيا سىيىپ كەتەتىنىن ايتقاندا, كەۋدەمىزدى ماقتانىش كەرنەيدى. بىراق بەس فرانتسيانى ەمىن-ەركىن ورنالاستىرىپ جىبەرۋگە بولاتىن تاعى ءبىر تۇركى جۇرتى بار ەكەن.
ول – سوناۋ سولتۇستىك مۇزدى مۇحيتىمەن ىرگەلەس جاتقان ساحا رەسپۋبليكاسى. ايىبى رەسەي فەدەراتسياسىنىڭ قۇرامىندا بولعاندىعى دەمەسەڭىز, وسىناۋ تىنىش جاتقان بايتاق ولكەنىڭ اۋماعى (3,1032 ملن كم²) جەر كولەمى جاعىنان سەگىزىنشى ورىنداعى ارگەنتينادان (2,77 ملن كم²) ۇلكەن, مۇحيتقا سۇعىنا ەنىپ جاتقان جەتىنشى ورىنداعى ءۇندىستاننىڭ (3,3 ملن كم²) جەر كولەمىنە جەتەعابىل. جەراستى قازبا بايلىقتارىمەن دارالاناتىن ساحا جەرى الەمدىك الماز نارىعىندا الدىڭعى ورىندا.
دايىنداعان ايا ءومىرتاي,
«ەگەمەن قازاقستان»
