« ۇلى دالا سازى» اتتى جوبانىڭ تانىستىرىلىمىنا «قازاقستان» تەلەراديوكورپوراتسياسىنىڭ باسقارما توراعاسى ەرلان قارين, قازاقستاننىڭ ەڭبەك سىڭىرگەن قايراتكەرلەرى تەرمەشى ايگۇل ەلشىباەۆا, ءانشى ەرلان رىسقالي, كۇيشى جانعالي ءجۇزباي قاتىستى.
«ەلباسىنىڭ « ۇلى دالانىڭ جەتى قىرى» ماقالاسىندا ۇلتتىق قۇندىلىقتاردى زاماناۋي تۇرعىدا دارىپتەۋ ماسەلەسى كوتەرىلدى. ءبىزدىڭ ماقساتىمىز – ەلباسى ماقالاسىنداعى كوتەرىلگەن يدەيالاردى جۇزەگە اسىرۋ. وسى تۇرعىدا ۇلتتىق ارنا ءتول ونەردى جاڭاشا ناسيحاتتاۋ ماقساتىندا تەلەۆيزيالىق جوبانى ىسكە اسىردى. اتالعان جوبانىڭ ماقساتى – ءداستۇرلى مۋزىكانى ۇلىقتاۋمەن قاتار, وسى سالادا جۇرگەن ونەرپازداردىڭ باسىن قوسۋ. كونتسەرتتە بۇگىندە ۇمىتىلىپ بارا جاتقان حالىق اندەرى مەن قازاق كومپوزيتورلارىنىڭ شىعارمالارى ورىندالادى», دەدى «قازاقستان» تەلەراديوكورپوراتسياسىنىڭ باسقارما توراعاسى ەرلان قارين وكق-دا وتكەن ءباسپاسوز ءماسليحاتىندا.
مۋزىكالىق جوبا ۇلتتىق ارنا ەفيرىنەن 13 قاڭتاردان باستاپ اپتاسىنا ءبىر رەت كورسەتىلەدى. ءتۇسىرىلىم جۇمىستارى 2018 جىلدىڭ قاراشا ايىندا باستالعان جوباعا توقساننان استام ونەرپاز قاتىسقان. ولاردىڭ اراسىندا سەكەن تۇرىسبەكوۆ, قاجىبەك بەكبوسىنوۆ, رامازان ستامعازيەۆ, ساۋلە جانپەيىسوۆا سىندى ونەر مايتالماندارى بار. بۇل رەتتە ءانشى ەرلان رىسقالي اتالعان جوبانىڭ ۇلت رۋحانياتىنا بەرەرى مول باعدارلاما ەكەنىن اتاپ ءوتتى. قازاقتىڭ كەلەشەگى شەرى مەن شاتتىعىن قاق بولىسكەن قارا دومبىراسىنىڭ شاناعىنا بايلانعان. ءبىزدىڭ كىندىگىمىز وسىدان ۇزىلمەۋى كەرەك. الەمدى ارالاپ جۇرگەن ونەرپاز رەتىندە مەن ونەر شەكارا, ۇلت, جاس تالعامايتىنىن سەنىممەن ايتا الامىن», دەدى ءانشى ەرلان رىسقالي. ەڭ باستىسى جوبا بارىسىندا جازىپ الىنعان 177 شىعارما «Qazaqstan» ۇلتتىق ارناسىنىڭ «التىن قورىنا» ەنەتىن بولادى.
ايا ءومىرتاي,
«ەگەمەن قازاقستان»
