الەم • 15 قاڭتار، 2019

اۋعانستانداعى جارىلىستا 4 ادام قازا تاپتى

213 رەتكورسەتىلدى

اۋعانستاندا قۋاتتى جارىلىس سالدارىنان 4 ادام قازا تاۋىپ، 90-عا جۋىعى جاراقات الدى.

اۋعانستان ىشكى ىستەر مينيسترلىگىنىڭ حابارلاۋىنشا، 14 قاڭتار كۇنى كەشكە مينالانعان جۇك كولىگى جارىلعان. قازا بولعانداردىڭ ۇشەۋى اسكەري قىزمەتشى، بىرەۋى ازاماتتىق تۇلعا بولعان.

زارداپ شەككەندەردىڭ باسىم كوپشىلىگى قاراپايىم تۇرعىندار. رەسمي مالىمەتتەرگە سۇيەنسەك، جاراقاتتانعاندار اراسىندا 23 بالا مەن 12 ايەل بار.

ەل پرەزيدەنتى اشراف گاني شابۋىلدىڭ يسلامعا قارسى باعىتتالعانىن اتاپ ءوتتى. پرەزيدەنتتىك سارايدىڭ مالىمدەمەسىندە ا.گاني ءتيىستى ورگاندارعا شابۋىلدى ءجىتى تەرگەۋدى جانە زارداپ شەككەندەر مەن قازا بولعانداردىڭ وتباسىلارىنا قول ۇشىن بەرۋدى تاپسىرعان. بۇل تۋرالى Tolo News سايتى جازدى.

ايتا كەتەيىك، جارىلىس اۋعانستان استاناسى كابۋلدىڭ شىعىس بولىگىندە بولدى. وندا كوممەرتسيالىق ەمەس ۇيىمداردىڭ كەڭسەلەرى، تۇرعىن ۇيلەر مەن شەتەلدىك ازاماتتار ءجيى باراتىن دەمالىس ورىندارى ورنالاسقان.

سوڭعى جاڭالىقتار

مال باققانعا بىتەدى...

ايماقتار • كەشە

جەر يەسىن تاپسا يگى

ايماقتار • كەشە

ۇقساس جاڭالىقتار