قازاقستان • 14 قاڭتار، 2019

جەلىلىك وليمپيادا جەڭىمپازدارى انىقتالدى

107 رەتكورسەتىلدى

جۋىردا استانا، الماتى جانە شىمكەنت قالالارىندا زياتكەرلىك مەكتەپتەر اراسىنداعى جەلىلىك وليمپيادانىڭ ءۇشىنشى كەزەڭى جالپى ءبىلىم بەرۋ پاندەرى بويىنشا ءوتتى. ءۇشىنشى مەگاپوليستە، ياعني شىمكەنتتەگى xيميا-بيولوگيا باعىتىنداعى نازارباەۆ زياتكەرلىك مەكتەبىندە 21 زياتكەرلىك مەكتەپتىڭ 250-دەن استام وقۋشىسى ماتەماتيكا جانە قازاق، ورىس، اعىلشىن، فرانتسۋز، نەمىس تىلدەرىنەن جارىسقا ءتۇستى.

مىنە، وسى وقۋشى مەن مۇعالىمنىڭ ەڭبەگى سىنالاتىن ءبىلىم سايىسى قورىتىندىسى بويىنشا 103 وقۋشى ماراپاتقا يە بولدى. ال جۇلدەگەرلەر سانى بويىنشا ءبىرىنشى ورىنعا، ياعني «الەۋمەتتىك-گۋمانيتارلىق باعىتتاعى پəندەر بويىنشا ۇزدىك وليمپيادالىق كوماندا» اتاعىنا شىمكەنت قالاسى حيميا-بيولوگيا باعىتىنداعى نازارباەۆ زياتكەرلىك مەكتەبى مەن پاۆلودار قالاسىنىڭ نزم-ءى يە بولدى. تىلدىك جəنە ماتەماتيكالىق وليمپيادالارعا قاتىسقان وقۋشىلاردىڭ 24-ءى جەڭىمپاز ديپلومىنا يە بولدى.

«ەلىمىزدىڭ بارلىق وڭىرىنەن كەلگەن قاتىسۋشىلاردىڭ بارلىعى ءپاندى ۇزدىك بىلەتىنى جانە دايىندىقپەن كەلگەنى انىق. سوندىقتان دا بولار سىن بارىسىندا ازداپ قوبالجىدىم. دەگەنمەن، جۇلدەگەرلەر قاتارىنان كورىنەتىنىمە سەنىمدى بولدىم. وزىمە، ءوز ەڭبەگىمە سەندىم. ۇستازدارىمنىڭ ارتقان سەنىمى دە جىگەرلەندىردى»، - دەيدى ءبىلىم باسەكەسىندە اعىلشىن ءتىلى جەلىسى بويىنشا ەكىنشى ورىندى ەنشىلەگەن شىمكەنت قالاسى حبب زياتكەرلىك مەكتەبىنىڭ وقۋشىسى ىڭكار عالىمجانقىزى.

جەڭىمپازدار مەن جۇلدەگەرلەرگە ارنايى ديپلومدى سالتاناتتى تۇردە تابىس ەتكەن شىمكەنت قالالىق ءبىلىم باسقارماسىنىڭ باسشىسى اقەركە ابىلايحان وقۋشىلاردىڭ بىلىمگە دەگەن ىنتاسىن جوعارى باعالاپ، ساتتىلىك تىلەدى. ەندى جەڭىمپازدار زياتكەرلىك مەكتەپتەردىڭ نامىسىن رەسپۋبليكالىق وليمپيادادا قورعايتىن بولادى.

وسى ارادا ايتا كەتەلىك، جۋىردا  «نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمىنىڭ باسقارما ءتورايىمى كۇلاش ءشامشيدينوۆا مەن شىمكەنت قالاسىنىڭ اكىمى عابيدوللا ءابدىراحىموۆ كەزدەسىپ، ءوزارا ىنتىماقتاستىق مەموراندۋمىنا قول قويعان بولاتىن. وسى مەموراندۋم اياسىندا شىمكەنتتەگى حيميا-بيولوگيا باعىتىنداعى نازارباەۆ زياتكەرلىك مەكتەبى قالاداعى 20 جەتەكشى ءبىلىم وشاعىمەن تىعىز-قارىم قاتىناستا جۇمىس ىستەيتىن بولادى.

«قازاقستان حالقىنا جولداۋىندا مەملەكەت باسشىسى زياتكەرلىك مەكتەپتەردىڭ تاجىريبەسىن ەلدەگى بۇكىل ءبىلىم بەرۋ جۇيەسىنە تاراتىپ، بارلىق ءبىلىم بەرۋ مەكەمەلەرىن سولاردىڭ دەڭگەيىنە شىعارۋ كەرەك ەكەنىن ايتتى. وسىعان وراي قالالىق ءبىلىم باسقارماسىنا قاراستى مەكتەپتەردىڭ ءبىلىم جۇيەسىنە جاڭارتىلعان وقۋ مازمۇنىن نەگىزگە الا وتىرىپ، نازارباەۆ زياتكەرلىك مەكتەپتەرىنىڭ وزىق تاجىريبەسى ەنگىزىلەدى. ياعني، شىمكەنتتەگى 15 مىڭعا جۋىق پەداگوگ اتالعان ءبىلىم وشاعىنىڭ وقۋ باعدارلاماسىن مەڭگەرەدى»، - دەيدى مەكتەپ ديرەكتورى بالقان قاسىموۆ.

عالىمجان ەلشىباي،

«ەگەمەن قازاقستان»

شىمكەنت

سوڭعى جاڭالىقتار

ەلباسى تۇركيا حالقىنا كوڭىل ايتتى

قازاقستان • 25 قاڭتار، 2020

ەلەكتىڭ سورى – التى ۆالەنتتى حروم

ەكولوگيا • 25 قاڭتار، 2020

بقو پوليتسياسى 440 وتباسىن تەكسەردى

ايماقتار • 25 قاڭتار، 2020

تۇركيادا جەر سىلكىنىسى بولدى

الەم • 25 قاڭتار، 2020

قىزىلوردا: قازالىداعى قونىس توي

ايماقتار • 25 قاڭتار، 2020

دزيۋدو: بۇگىن جۇلدە بۇيىرمادى

كۇرەس • 24 قاڭتار، 2020

پرەزيدەنت اكىمدەرمەن كەڭەس وتكىزدى

پرەزيدەنت • 24 قاڭتار، 2020

ۇقساس جاڭالىقتار