فەستيۆالدىڭ قازىلار القاسى يتاليا, اۆستريا, گەرمانيا جانە رەسەيدەن كەلگەن ونەر سالاسىنداعى جەتەكشى مامانداردان تۇردى. «World folk vision» جوباسىنىڭ ۇيلەستىرۋشىسى جاننا بارسەگوۆا بايقاۋعا جوعارى دەڭگەيدەگى ونەر يەلەرى قاتىسىپ جاتقانىن جانە قازىلار القاسىنا شەشىم قابىلداۋ وڭاي بولماعانىن ايتادى.
قازاقستاندىق «حاسساق» ەتنو-فولكلورلىق ءانسامبلى اتالعان مۋزىكالىق بايقاۋدا جۇلدەلى 1-ورىنعا يە بولدى. سونداي-اق 2019 جىلى ناۋرىز ايىندا ساۋد ارابياسىندا وتەتىن فينالدىق كەزەڭگە بەرىلەتىن ءۇش جولدامانىڭ ءبىرىن يەلەندى. بۇل كەزەڭدە «حاسساق» ءانسامبلى الەمنىڭ 80 ەلىنىڭ مۋزىكالىق توپتارىمەن ونەر كورسەتەدى.
ايتا كەتەيىك, «World folk vision» - جىل سايىن وتەتىن الەمدەگى ەڭ تانىمال فولكلورلىق-مۋزىكالىق فەستيۆال. بايقاۋدىڭ شيرەك فينالى ءار جىلى الەمنىڭ ءتۇرلى قالاسىندا وتەدى. 2019 جىلعى فينالدىق باسەكە ساۋد ارابياسىنىڭ استاناسى ەر-رياد قالاسىندا ۇيىمداستىرىلادى.
