ارىستانبەك مۇxامەدي ۇلى سارا قابيعوجينانىڭ قايتىس بولۋىنا بايلانىستى مارقۇمنىڭ وتباسىنا, تۋىستارى مەن جاقىندارىنا كوڭىل ايتتى.
«سارا وقاپقىزىنىڭ ەلىمىزدىڭ ونەرى مەن مادەنيەتىنىڭ دامۋىنا سىڭىرگەن ەڭبەگى زور. ساڭلاق كۇيشى-دومبىراشى وقاپ قابيعوجيننىڭ قىزى سارا اپكەمىز ونەرگە بالا كەزدەن قۇشتار بولىپ ءوستى. الماتىدا 1965 جىلى اشىلعان رەسپۋبليكالىق ەسترادا-تسيرك ستۋدياسىنىڭ تۇڭعىش تۇلەگى. كاسىبي ساxناداعى ونەر جولىن «قازاقكونتسەرتتە» كوركەمسوز وقۋ شەبەرى رەتىندە باستادى. ءومىر مەن ونەردە سەرىگى بولعان سۇلتانعالي شۇكىروۆپەن بىرگە, قازاق ساxناسىندا سيرەك كەزدەسەتىن كوزبايلاۋشى-يلليۋزيونيستىك جانردا ونەر كورسەتتى. ەلىمىزدىڭ ەسترادا-تسيرك ونەرىنە ولشەۋسىز ەڭبەك سىڭىرگەن, اياۋلى تۇلعا سارا قابيعوجينانىڭ شىعارماشىلىق جولى مەن جارقىن بەينەسى ەل جادىندا ساقتالارى ءسوزسىز», دەدى مينيستر.
سارا وقاپقىزى 1972 جىلى ماسكەۋدەگى ەسترادا ونەرىنىڭ بۇكىلوداقتىق شىعارماشىلىق شەبەرحاناسىندا وقىعان. 1978 جىلى كارلوۆى ۆارى, كەيىن پاريجدە, بريۋسسەلدە وتكەن دۇنيەجۇزىلىك يلليۋزيونيستتەر بايقاۋلارىندا باس جۇلدەنى جەڭىپ العان. سونداي-اق, گاۆانادا وتكەن (1978) جاستار مەن ستۋدەنتتەردىڭ بۇكىل دۇنيەجۇزىلىك 11-فەستيۆالىنىڭ جانە بۇكىلوداقتىق كومسومول سىيلىعىنىڭ يەگەرى (1980) اتانعان.
