- ءبىزدىڭ اۋداندا تاريحي تۋريزم, ەكوتۋريزم, اگروتۋريزم جانە كيەلى مەكەندەردى ارالاۋ سەكىلدى باعىتتار دامىتىلاتىن بولادى. ول ءۇشىن مادەنيەت جانە سپورت مينيسترلىگى 718 ملن تەڭگە بولگەن بولاتىن, بۇل قاراجات ساپار ورتالىعىنىڭ قۇرىلىسىنا جۇمسالادى. قازىرگى تاڭدا مەردىگەر كومپانيا انىقتالىپ, مەملەكەتتىك ساتىپ الۋلار بويىنشا بارلىق پروتسەدۋرالار وتكىزىلدى. ورتالىق قۇرىلىسى كەلەسى جىلدىڭ كوكتەمىندە باستالادى, - دەيدى ءانۋار ومار.
ۇلىتاۋ اۋدانى اكىمدىگىنىڭ رەسمي سايتىنىڭ مالىمەتىنشە, جەزكيىك جانە كوكمايسا ەتنوفەستيۆالدەرىن وتكىزۋ ۇلىتاۋ اۋدانىنا كەلەتىن تۋريستەر اعىمىن ۇلعايتقان. ەگەر 2017 جىلى ۇلىتاۋدا شامامەن 11 مىڭ تۋريست بولىپ قايتسا, 2018 جىلى بۇل كورسەتكىش 25 000-عا وسكەن.
- اۋدانىمىزعا تۋريستەردىڭ قىزىعۋشىلىعى ارتىپ كەلە جاتقانىن بايقاپ وتىرمىز. وسىعان وراي, اۋقىمدى جۇمىستار وتكىزۋدى جوسپارلاۋدامىز. وسىلايشا, ساپار ورتالىعىنىڭ ماڭىندا ەتنواۋىل سالۋدى كوزدەپ وتىرمىز. اتالمىش جوبانى جۇزەگە اسىرۋ ءۇشىن وبلىستىق كاسىپكەرلىك باسقارماسىمەن بىرلەسە وتىرىپ, ەتنواۋىل قۇرىلىسىنا 150 ملن تەڭگە سالۋعا دايىن ينۆەستورلاردى ىزدەستىرىپ جاتىرمىز. سونداي-اق كەلەسى جىلى كيەلى ورىندارعا باراتىن جولدار دا جوندەلەدى. وبلىستىق بيۋدجەتتەن سارلىق اۋىلىنا دەيىن باراتىن 40 شاقىرىم جولدى جوندەۋگە 636 ملن تەڭگە ءبولىندى. ءدال وسى اۋىلدىڭ جانىندا ەكى ءىرى تۋريستىك نىساندار – حان ورداسى مەن التىن شوقى ورنالاسقان, - دەيدى ءانۋار ومار.
ۇلىتاۋ اۋدانىنىڭ اكىمى سونىمەن قاتار تۋريستەر ءۇشىن قىزمەت كورسەتۋ ساپاسى قالاي جاقسارتىلاتىنى تۋرالى ايتتى.
- بىزدە قوناق ۇيلەر جوق, سوندىقتان ءبىز بۇل پروبلەمانى باسقاشا شەشۋ جولدارىن قاراستىرىپ جاتىرمىز. مىسالى, ۇلىتاۋ اۋىلىندا تۇرعىندار ءوز ۇيلەرىنەن تۋريستەرگە 29 بولمە بولۋگە دايىن ەكەندەرىن جەتكىزدى. امانكەلدى كەنتىندە – 12 بولمە. مادەني نىساندار ورنالاسقان اۋىلدار مەن اۋىلدىق وكرۋگتەردىڭ بارلىعىندا ءبىز تۇرعىندارمەن كەلىسسوزدەر جۇرگىزىپ, تۋريستەرگە جاتىن ورىندارىن ءبولۋ ماسەلەسىن شەشۋدەمىز. سونىمەن قاتار قوناق ۇيلەر سالاتىن ينۆەستورلاردى جۇمىلدىرۋ ادىستەرىن قاراستىرىپ جاتىرمىز, - دەپ مالىمدەدى ءانۋار ومار.
