ەلدىڭ اتىن اسقاقتاتاتىن سالانىڭ ءبىرى - ونەر بولسا, ەكىنشىسى - سپورت. مىنە, وبلىستىق جانە رەسپۋبليكالىق چەمپيوناتتاردان جۇلدەمەن ورالىپ, اۋدانىمىزدىڭ ابىرويىن اسقاقتاتقاندارىڭىز ءۇشىن سىزدەرگە اۋدان اكىمىنىڭ اتىنان جانە ءوز اتىمنان العىسىمدى بىلدىرەمىن. جاڭا 2019 جىلدا بۇدان دا بيىك بەلەستەردى باعىندىرىپ, ازيانىڭ, الەمنىڭ چەمپيونى بولا بەرىڭىزدەر! - دەدى بەيسەنباي تاسبولات ۇلى.
ايتا كەتەيىك, استانا قالاسىنىڭ 20 جىلدىق مەرەيتويىنا ارنالعان ۆولەيبولدان ەرەسەكتەر اراسىنداعى تۇركىستان وبلىسىنىڭ چەمپيوناتىندا ءى ورىنعا قول جەتكىزگەن ماقتاارال اۋدانىنىڭ كومانداسى چەمپيون اتاندى. جارىس 10 ايعا جالعاسىپ, تۇركىستان قالاسىندا وتكەن اقتىق كەزەڭدە ماقتاارالدىقتار تۇركىستان قالاسى مەن سايرام, ورداباسى, تۇلكىباس, بايدىبەك اۋداندارىنىڭ كوماندالارىن باسىپ وزدى.
قاراعاندى وبلىسى تەمىرتاۋ قالاسىندا سپورتتىڭ كاراتە - دو شوتاكان تۇرىنەن وتكەن رەسپۋبليكالىق چەمپيوناتتا ءبىر جەرلەسىمىز چەمپيون اتانسا, تاعى ءبىر جەرلەسىمىز ءىى ورىن الدى. سونداي-اق, 4 سپورتشىمىز ءىىى ورىننان كورىندى.
ال, شىمكەنت قالاسىندا كاراتە - دو شوتكاننان وتكەن تاعى ءبىر چەمپيوناتتا 2 جەرلەسىمىز ءى ورىن, 3 جەرلەسىمىز ءىى ورىن, 4 جەرلەسىمىز ءىىى ورىندى الىپ, ماقتالى ولكەنىڭ ابىرويىن اسقاقتاتتى.
جالپى بيىل ماقتاارالدىق سپورتشىلار وبلىستىق جارىستاردان 41 التىن, 39 كۇمىس, 14 قولا السا, قازاقستان رەسپۋبليكاسىنىڭ بىرىنشىلىگەن 32 التىن, 31 كۇمىس, 18 قولا مەدال يەلەندى. سونداي-اق, الەم چەمپيوناتىندا ءبىر سپورتشىمىز التىننان القا تاقتى. ال, ازيا ويىندارىندا 1 التىن, 2 كۇمىس مەدال يەگەرلەرى اتانىپ, سپورتشىلارىمىز جىلدى تولاعاي تابىسپەن اياقتادى.
