ەسكە سالا كەتەيىك, بۇعان دەيىن قر پرەمەر-ءمينيسترى باقىتجان ساعىنتاەۆ بارلىق قازاقستاندىقتار مەملەكەت باسشىسىنىڭ كوممۋنالدىق قىزمەتتەر تاريفتەرىن تومەندەتۋ جونىندەگى تاپسىرماسىن ورىنداۋ ناتيجەسىن سەزىنۋى ءتيىس ەكەندىگىن ايتقان بولاتىن. اتاپ ايتقاندا, وڭىرلەردىڭ اكىمدەرىنە ۇلتتىق ەكونوميكا مينيسترلىگىمەن بىرلەسە وتىرىپ, 2019 جىلدىڭ 1 قاڭتارىنا دەيىن پيك قىزمەتتەرى مەن اكىمدىكتەر باسقاراتىن باسقا دا كوممۋنالدىق قىزمەتتەر تاريفتەرىن تومەندەتۋ تۋرالى ءتيىستى شەشىم قابىلداۋ تاپسىرىلدى.
اتقارىلعان جۇمىستار تۋرالى ۇلتتىق ەكونوميكا ءمينيسترى ت. سۇلەيمەنوۆ باياندادى.
«پيك قىزمەتتەرىنىڭ ءتاريفى 2,2%-دان 20%-عا دەيىن, قوقىستى شىعارۋ قىزمەتى 1%-دان 24,7%-عا, ال ليفت قىزمەتتەرى بويىنشا تاريفتەر 3%-دان 50%-عا دەيىن ارزاندادى», – دەدى مينيستر. سونداي-اق, قر ۇەم «قازترانسگاز ايماق» اق-مەن بىرلەسە وتىرىپ, اتىراۋ جانە قىزىلوردا وبلىستارىنىڭ تۇرعىندارىنا گاز باعاسىن تومەندەتۋ تۋرالى ۋاعدالاستىققا قول جەتكىزدى.
ماسەلەنى قاراۋ قورىتىندىسى بويىنشا پرەمەر-مينيستر باقىتجان ساعىنتاەۆ اتالعان ماسەلەنى 1 قاڭتاردان باستاپ باقىلاۋعا الۋدى تاپسىردى. تۇتىنۋشىلارعا كورسەتىلەتىن قىزمەتتەردىڭ تاريفتەرى تومەندەتىلۋى ءتيىس. بۇل جۇمىس جالعاسىن تابۋى كەرەك.
1. اقمولا وبلىسىنىڭ اكىمدىگى كەلەسى تاريفتەردى تومەندەتۋدى جوسپارلاپ وتىر: پيك قىزمەتى ءۇشىن — 3%; قوقىس جيناۋ — 5%; ليفت قىزمەتى — 5%.
2. اقتوبە وبلىسىنىڭ اكىمدىگى كەلەسى تاريفتەردى تومەندەتۋدى جوسپارلاپ وتىر: پيك قىزمەتتەرىنە — 7,3%; قوقىس جيناۋ — 1%; ليفت قىزمەتتەرى — 10%.
3. الماتى وبلىسىنىڭ اكىمدىگى كەلەسى تاريفتەردى تومەندەتۋدى جوسپارلاپ وتىر:پيك قىزمەتتەرى ءۇشىن — 11,06%; قوقىس جيناۋ — 12,34%; ليفت قىزمەتى — 15,93%.
4. اتىراۋ وبلىسىنىڭ اكىمدىگى كەلەسى تاريفتەردى تومەندەتۋدى جوسپارلاپ وتىر: پيك قىزمەتى ءۇشىن — 4%; قوقىس جيناۋ — 4%; ليفت قىزمەتى — 5%.
5. شىعىس قازاقستان وبلىسىنىڭ اكىمدىگى كەلەسى تاريفتەردى تومەندەتۋدى جوسپارلاپ وتىر: پيك قىزمەتى بويىنشا — 8,3%; قوقىس جيناۋ بويىنشا قىزمەتتەرگە — 4,2%; كوتەرگىش قىزمەتتەرگە — 4,3%.
6. جامبىل وبلىسى اكىمدىگى كەلەسى تاريفتەردى تومەندەتۋدى جوسپارلاپ وتىر: پيك قىزمەتى ءۇشىن 20%; قوقىس جيناۋ — 5%; ليفت قىزمەتتەرى — 7,1%.
7. باتىس قازاقستان وبلىسىنىڭ اكىمدىگى كەلەسى تاريفتەردى تومەندەتۋدى جوسپارلاپ وتىر: پيك قىزمەتتەرى — 5%; قوقىس جيناۋ — 10%; ليفت قىزمەتتەرى — 7%.
8. قاراعاندى وبلىسىنىڭ اكىمدىگى كەلەسى تاريفتەردى تومەندەتۋدى جوسپارلاپ وتىر: پيك قىزمەتى ءۇشىن 3% دەيىن; قوقىس جيناۋ ورتاشا العاندا 10%-عا دەيىن; ليفت قىزمەتتەرى 5%-عا ارتتى.
9. قوستاناي وبلىسىنىڭ اكىمدىگى جىلدىڭ باسىنان باستاپ تاريفتەردى تومەندەتۋدى جوسپارلاپ وتىر: پيك قىزمەتتەرى ءۇشىن 3%-دان 8%-عا دەيىن; قوقىس جيناۋ 5%-دان 10%-عا دەيىن; ليفت قىزمەتتەرى 5% دەيىن.
10. قىزىلوردا وبلىسىنىڭ اكىمدىگى ءتاريفتى تومەندەتتى: پيك قىزمەتى ءۇشىن 5%; قوقىس جيناۋ — 2% (ليفت قىزمەتتەرى تەگىن).
11. ماڭعىستاۋ وبلىسىنىڭ اكىمدىگى تاريفتەردى تومەندەتۋدى جوسپارلاپ وتىر: پيك قىزمەتىنە 3-5%; قوقىس جيناۋ — 5%; ليفت قىزمەتتەرى — 3%.
12. پاۆلودار وبلىسىنىڭ اكىمدىگى تاريفتەردى تومەندەتۋدى جوسپارلاپ وتىر:
پاۆلودار قالاسى بويىنشا: پيك قىزمەتى بويىنشا — 4,9%; قوقىس جيناۋ — 5%; ليفت قىزمەتى — 5,3%.
ەكىباستۇز قالاسىندا: پيك قىزمەتى ءۇشىن — 2,21%; قوقىس جيناۋ — 5,04%; ليفت قىزمەتتەرى — 9%.
اقسۋ قالاسى: پيك قىزمەتى ءۇشىن — 4%; قوقىس جيناۋ — 24,7%; ليفت قىزمەتتەرى — 13,6%.
13. سولتۇستىك قازاقستان وبلىسىنىڭ اكىمدىگى كەلەسى تاريفتەردى تومەندەتۋدى جوسپارلاپ وتىر: پيك قىزمەتى ءۇشىن — 5%; قوقىس جيناۋ — 5%; ليفت قىزمەتى — 5%.
14. تۇركىستان وبلىسىنىڭ اكىمدىگى كەلەسى تاريفتەردى تومەندەتۋدى جوسپارلاپ وتىر: پيك قىزمەتتەرى ءۇشىن —10%; قوقىس جيناۋ — 2,1% (جەكە تۇلعالار ءۇشىن) جانە 23,4% (زاڭدى تۇلعالار ءۇشىن); ليفت قىزمەتتەرى — 50%.
15. استانا قالاسى اكىمدىگى كەلەسى تاريفتەردى تومەندەۋدى جوسپارلاپ وتىر: پيك قىزمەتتەرى ءۇشىن — 5%; قوقىس جيناۋ — 5%; ابونەنتتىك تولەم ءۇشىن ليفت قىزمەتتەرى — 5% جانە كارتوچكالىق جۇيە بويىنشا — 5,6%.
16. الماتى قالاسى اكىمدىگى كەلەسى تاريفتەردى تومەندەتۋدى جوسپارلاپ وتىر: ليفت قىزمەتتەرى ءۇشىن — 8,5%; پيك-ءتىڭ قوسىمشا قىزمەتتەرىن تۇبىرتەكتەردەن شىعارىپ تاستاۋىنا بايلانىستى, قالا تۇرعىندارىنىڭ جالپى شىعىندارىن 6%-عا تومەندەتتى.
17. شىمكەنت قالاسىنىڭ اكىمدىگى كەلەسى تاريفتەردى تومەندەتۋدى جوسپارلاپ وتىر: پيك قىزمەتى ءۇشىن — 11%; قوقىس جيناۋ — 12%; ليفت قىزمەتتەرى — 10%.
