ەڭبەك ونىمدىلىگى ەلىمىزدىڭ باسەكەگە قابىلەتتىلىگىنىڭ ماڭىزدى فاكتورى. يندۋستريا جانە ينفراقۇرىلىمدىق دامۋ ءمينيسترى جەڭىس قاسىمبەك مينيسترلىك جەتەكشىلىك ەتەتىن ەكونوميكانىڭ نەگىزگى سالالارى بويىنشا بيىل ءبىرىنشى جارتىجىلدىقتا وتكەن جىلدىڭ سايكەس كەزەڭىمەن سالىستىرعاندا وڭ سەرپىن بايقالادى. كولىك سالاسىندا كورسەتكىش — 3,1%, قۇرىلىستا — 9,3%,ونەركاسىپتە كورسەتكىش 4,3%-كە ءوستى.
«ونەركاسىپ سالالارىنداعى ءوسىم تاۋ-كەن ونەركاسىبىندە ء(وسىم 9,1%-كە), سونداي-اق سۋمەن جابدىقتاۋدا ء(وسىم 3,3%-عا) بايقالىپ وتىر. وڭدەۋ ونەركاسىبىندەگى ەڭبەك ونىمدىلىگىنىڭ يندەكسى 98,2%-دى قۇرادى. ونىمدىلىك ماشينا جاساۋدا 11,5%-عا, حيميا ونەركاسىبىندە 9,2%-عا جانە جەڭىل ونەركاسىپتە 1,6%-عا ۇلعايدى», — دەدى ج. قاسىمبەك.
2018 جىلدىڭ جارتىجىلدىعىنىڭ قورىتىندىسى بويىنشا جۇمىسپەن قامتىلعاندار سانى 45,1 مىڭ ادامعا نەمەسە 2017 جىلدىڭ سايكەس كەزەڭىمەن سالىستىرعاندا 8,9 %-عا ءوستى (505,5-تەن 550,6 مىڭ ادامعا دەيىن – ءوزىن-ءوزى جۇمىسپەن قامتىعانداردى ەسەپتەمەگەندە).
ءوز بايانداماسىندا يندۋستريا جانە ينفراقۇرىلىمدىق دامۋ ءمينيسترى سالاداعى ەڭبەك ونىمدىلىگىن ودان ءارى ارتتىرۋ ماقساتىندا وڭىرلەردە جۇمىستى كۇشەيتۋ قاجەتتىگىن اتاپ ءوتتى. بۇل — قارجىلىق قولداۋ قۇرالدارىن دامىتۋ ارقىلى كاسىپورىنداردى جاڭعىرتۋدى ينۆەستيتسيالاۋعا ىنتالاندىرۋ قاجەت. كولەمى مەن ۇزاق مەرزىمدى قارجىلاندىرۋ قولجەتىمدىلىگىن ارتتىرۋ, وزىق جابدىقتار مەن تەحنولوگيالاردى پايدالانۋ تۇرعىسىنان مەملەكەتتىك قولداۋ الاتىن جوبالارعا قويىلاتىن تالاپتاردى كۇشەيتۋ كەرەك. بۇدان وزگە, ج. قاسىمبەكتىڭ ايتۋىنشا, ونەركاسىپتى تسيفرلاندىرۋ بويىنشا جوسپارلانعان شارالاردى ىسكە اسىرۋدى جالعاستىرۋ, ونىڭ ىشىندە كاسىپورىندارعا قويىلاتىن تەحنولوگيالىق تالاپتار مەن ستاندارتتاردى ارتتىرۋ قاجەت.
جالپى, ەڭبەك ونىمدىلىگى ماسەلەلەرى قر يندۋستريالىق-يننوۆاتسيالىق دامىتۋدىڭ 2020–2025 جىلدارعا ارنالعان تۇجىرىمداماسىن ازىرلەۋ كەزىندە ەسكەرىلدى. ەڭبەك ونىمدىلىگى يندۋستريالاندىرۋدىڭ ءۇشىنشى باعدارلاماسىنىڭ نەگىزگى ينديكاتورلارىنىڭ ءبىرى بولىپ ايقىندالدى.
وڭىرلەردە جۇرگىزىلىپ جاتقان جۇمىستار تۋرالى الماتى وبلىسىنىڭ اكىمى ا. باتالوۆ, اقتوبە وبلىسىنىڭ اكىمى ب. ساپارباەۆ, شىعىس قازاقستان وبلىسىنىڭ اكىمى د. احمەتوۆ, سولتۇستىك قازاقستان وبلىسىنىڭ اكىمى ق. اقساقالوۆ, جامبىل وبلىسىنىڭ اكىمى ا.مىرزاحمەتوۆ, استانا ق. اكىمى ب. سۇلتانوۆ, اتىراۋ وبلىسى اكىمىنىڭ ءبىرىنشى ورىنباسارى س. شاپكەنوۆ باياندادى.
ماسەلەنى قاراۋ قورىتىندىسى بويىنشا پرەمەر-مينيستر باقىتجان ساعىنتاەۆ يندۋستريالاندىرۋ كۇنىندە ءسوز سويلەگەن كەزدە ەلباسى ونەركاسىپتەگى ەڭبەك ونىمدىلىگىن ۇلعايتۋ ماقساتىندا وڭىرلەردىڭ رەيتينگىن مەرزىمدى تۇردە جۇرگىزىپ تۇرۋعا تاپسىرما بەردى. العا قويىلعان ناقتى مىندەت ورىندالۋى ءتيىس.
