قازاقستان • 27 جەلتوقسان، 2018

«جەتىسۋ – ادالدىق الاڭى» جوبالىق كەڭسەسى اشىلدى

1864 رەت كورسەتىلدى

قوعامداعى سىبايلاس جەمقورلىق دەڭگەيىن تومەندەتۋ، مەملەكەتتىك باسقارۋ ينستيتۋتىنا ەل سەنىمىن ارتتىرۋ ماقساتىندا تالدىقورعان قالاسىندا «جەتىسۋ – ادالدىق الاڭى» جوبالىق كەڭسەسى اشىلدى.

كەڭسەنىڭ اشىلۋىنا الماتى وبلىسىنا جۇمىس ساپارىمەن كەلگەن مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ پەن وبلىس اكىمى اماندىق باتالوۆ  قاتىستى. جيىن بارىسىندا جوبالىق كەڭسەنىڭ جۇمىسىنا قاتىستى تارجىريبەسىمەن بولىسكەن «استانا – ادالدىق الاڭى» جوبالىق كەڭسەسىنىڭ باسشىسى جازيرا جىلقىشيەۆا ەلورداداعى سارىارقا اۋدانى جانە № 10 ەمحانا بازاسىندا جۇرگىزىلگەن جوبالىق جۇمىستاردى تىلگە تيەك ەتتى. ال مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتىنىڭ باسشىسى سەرىكباي نۇرعيساەۆ «جەتىسۋ – ادالدىق الاڭى» جوباسىنىڭ 3 باسىم باعىتى تۋرالى ايتىپ بەردى.

جالپى الماتى وبلىسىندا سىبايلاس جەمقورلىقپەن كۇرەس جانە ونىڭ الدىن الۋعا باعىتتالعان بىرقاتار شارالارعا جەمىستى جۇمىس ىستەپ تۇر. ماسەلەن، وڭىردە قوعامنىڭ جەمقورلىققا توزبەۋشىلىگىن قالىپتاستىرۋعا ارنالعان ءۇش جۇزدەن استام شارا وتكىزىلگەن، سىبايلاس جەمقورلىققا قارسى 27 جەدەل توپ قۇرىلىپتى. وسى باعىتتا «ادال جول» جەمقورلىققا قارسى مارافونى ۇيىمداستىرىلعان.

مەملەكەتتىك قىزمەت ساپاسىن ارتتىرۋ ماقساتىندا وبلىستىق تسيفرلىق تەحنولوگيالار باسقارماسى قۇرىلىپ، اۋدان، قالا اكىمدىكتەرىندە مەملەكەتتىك قىزمەت مونيتورينگىسى بولىمدەرى جاساقتالدى. بۇل باعىتتا  جىل باسىنان بەرى 7،3 ملن تەڭگەگە مەملەكەتتىك قىزمەت كورسەتىلسە، سونىڭ 5،8 ملن تەڭگەسى نەمەسە 79،4 پروتسەنتى ەلەكتروندى تۇردە كورسەتىلگەن ەكەن.

سونداي-اق الماتى وبلىسىنا جۇمىس ساپارىمەن كەلگەن مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ بيكەن ريموۆا اتىنداعى دراما تەاترىنىندا ساحنالانعان «قۇلقىننىڭ ق ۇلى» دراماسىن وبلىستىڭ مەملەكەتتىك قىزمەتشىلەرىمەن جانە ۋنيۆەرسيتەت ستۋدەنتتەرىمەن بىرگە تاماشالاپ، جاستار» سپورت سارايىندا ۆولەيبولدان وتكەن جولداستىق كەزدەسۋگە قاتىستى.

قالماحانبەت مۇقامەتقالي،

«ەگەمەن قازاقستان»

الماتى وبلىسى

سوڭعى جاڭالىقتار

ەل بىرىنشىلىگى باستالدى

بوكس • بۇگىن، 07:42

دۋبايدا دايىندالادى

تەننيس • بۇگىن، 07:40

«بارىس» تاعى جەڭىلدى

حوككەي • بۇگىن، 07:39

كىشكەنتاي قۇتقارۋشى

قوعام • بۇگىن، 07:38

جاساندى جۇرەك تە ءومىردى ۇزارتادى

مەديتسينا • بۇگىن، 07:37

كارديولوگتەر ەنگىزگەن تەحنولوگيا

مەديتسينا • بۇگىن، 07:35

جىلۋ قۇبىرىنداعى اپات

ايماقتار • بۇگىن، 07:32

مۇز قۇرسانعان ەكىباستۇز

ايماقتار • كەشە

ءۇمىت ساۋلەسى

ساياسات • كەشە

ساڭلاقتىڭ سوڭعى سامعاۋى

قازاقستان • كەشە

ۇقساس جاڭالىقتار