ستانسا وسى ۋاقىت ارالىعىندا 587 ملرد. كۆت/ساعات ەلەكتر ەنەرگياسىن ءوندىرىپتى.
قازىرگى كەزدە ستانسا ەۋرازيالىق توپ قۇرامىنداعى بارلىق كاسىپورىندى ەنەرگيا قۋاتىمەن قامتىپ وتىر. الىپ ءوندىرىس ورنىنىڭ 50 جىلدىق مەرەيتويىنا وبلىس اكىمى بولات باقاۋوۆ, «ERG» كومپانياسىنىڭ باسقارما توراعاسى الەكساندر ماشكەۆيچ, وزگە دە كاسىپورىن باسشىلارى, ستانسادا ەڭبەك ەتكەن ارداگەرلەر قاتىستى.
ستانسادا ەلىمىزدەگى ەلەكتر ەنەرگياسىنىڭ 5/1 بولىگى وندىرىلەدى. يندۋستريالاندىرۋ تالاپتارىنا سايكەس, قازىر ستانساداعى 8 بلوكتىڭ 5-ءۋى جاڭعىرتۋدان ءوتتى.
ەۋرازيالىق توپ سوڭعى 7 جىلدا ءوڭىردىڭ دامۋى ءۇشىن 18 ملرد. تەڭگە قارجى بولگەن. توپ وڭىرگە قاجەتتى الەۋمەتتىك جاۋاپكەرشىلىك تالاپتارىن ورىنداۋدا.
«ERG» كومپانياسىنىڭ باسقارما توراعاسى الەكساندر ماشكەۆيچ اقسۋ ەلەكتر ستانساسى كومپانيا قۇرامىنا وتكەن كەزىن ەسكە الدى.
- ءبىز 1996 جىلى ستانساعا العاش كەلگەندە قاڭىراپ بوس قالعان بازالار, تەرەزەسى سىنعان وندىرىستىك عيماراتتار تۇرعان ەدى. ەنەرگەتيكتەردىڭ بىزگە سەنىم ارتىپ, بىرلەسە جۇمىس جاساۋدىڭ ناتيجەسىندە بۇل كۇندەرى تمد اۋماعىنداعى ۇزدىك كاسىپورىن دارەجەسىنە جەتتىك,-دەدى ا. ماشكەۆيچ
ال, ەلەكتر ەنەرگياسى وندىرىلمەسە, زاۋىتتار دا بولماس ەدى. قازىر بالامالى ەنەرگيا كوزدەرى دە پايدا بولدى. بىراق, كومىردەن ەنەرگيا الۋ ءالى قولدانىستا. ارزان قۋات وندىرىلۋدە.
مەرەيتوي بارىسىندا ستانسانىڭ 100-گە جۋىق ەنەرگەتيك جانە جۇمىسشى,قىزمەتكەرلەرىنە قۇرمەت كورسەتىلدى. كولىكتەر بەرىلدى.
مەرەكەلىك كەشتە بەلگىلى ءانشى الىبەك دىنىشەۆ جانە جەرگىلىكتى ونەرپازداردىڭ قاتىسۋىمەن كونتسەرت ءوتتى.
فاريدا بىقاي,
«ەگەمەن قازاقستان»
پاۆلودار وبلىسى
