وسىلايشا 22 جەلتوقساندا TeleBingo-نىڭ تۇڭعىش قاتىسۋشىلارى العاشقى سىيلىقتاردى ويناتتى. ەڭ جولى بولعىش ادامدى تابۋ ءۇشىن شوۋ جۇرگىزۋشىلەرى ويىنشىلارعا باق سىنايتىن ءتۇرلى سايىستاردان ءوتۋدى ۇسىندى. مىسالى, قاتىسۋشىلارعا شيكى جانە قايناتىلعان جۇمىرتقالار ارالاستىرىپ سالىنعان سەبەت ۇسىنىلدى. ويىننىڭ ماقساتى – ونىڭ قايسىسى قايناتىلعان جۇمىرتقا ەكەنىن تابۋ. باق سىنايتىن ءتۇرلى سايىستاردىڭ ناتيجەسى بويىنشا ويىننان شىعىپ قالعان ويىنشىلار كەپىلدى تۇردە اقشالاي ۇتىستار الادى. ال جەڭىمپازدى تۋريستىك ساياحاتتار, تۇرمىس تەحنيكاسى, ەلەكترونيكا سەكىلدى سۋپەرجۇلدەلەر كۇتەدى. سونىمەن قاتار باس جۇلدە – اۆتوكولىكتى ۇتىپ الۋ مۇمكىندىگى بار. العاشقى ويىندا وسىنداي باقىت الماتى قالاسىنىڭ تۇرعىنىنا بۇيىردى.
«شىنىن ايتسام مەن سەنبەدىم. ءالى دە وسىنداي ءساندى ماشينا ۇتىپ العانىما سەنەر ەمەسپىن. لوتەرەيا ماعان وتە جاقسى اسەر قالدىردى. بارىنە وسىنداي لوتەرەيالارعا قاتىسۋعا كەڭەس بەرەمىن. ۇتىسقا جەتۋ – مۇمكىن نارسە ەكەنىنە ءوزىمنىڭ كوزىم جەتتى», دەپ ءوز اسەرىمەن ءبولىستى مارينا بيبيك. جەڭىمپازدىڭ ءسوزى بويىنشا بۇل ونىڭ لوتەرەياداعى ەڭ العاشقى ءىرى ساتتىلىگى. «بۇرىن لەزدىك لوتەرەيالار ساتىپ الىپ, مىڭ تەڭگە عانا ۇتاتىنمىن. ودان اسپايدى. مۇنداي ويىنداردا اسا جولىم بولعان ەمەس. وسىنداي ساتتىلىك العاش رەت بولىپ تۇر. مەن كەلەسى ويىن قاشان بولاتىنىن, بيلەتتى قايدان ساتىپ الاتىنىن ءبىلۋ ءۇشىن سايتقا كىرىپ, كەزدەيسوق قوسىمشا ويىندى ويناپ كورۋگە بولاتىنىن ءبىلدىم. سوندا بىردەن «نەگە ويناپ كورمەسكە؟» دەپ ويلادىم. جاڭا جىلدىڭ الدىندا وزىمە مەيرام ۇيىمداستىرعىم كەلدى. سايتقا تىركەلىپ, سودان سوڭ ۇمىتىپ كەتتىم. ءبىر اپتادان كەيىن ماعان تەلەفون شالىپ, ىرىكتەۋدەن وتكەنىمدى حابارلادى», دەپ ەسكە تۇسىرەدى مارينا. وعان قوسا «جۇرگىزۋشى كۋالىگى بار, ال كولىكتىڭ ءوزى جوق» بولعاندىقتان وعان كولىكتىڭ تاپ ءوزى كەرەك ەكەندىگىن ايتتى. ال ۇتىپ العان اۆتوكولىك وزىنە جاڭا جىلعا ارنالعان ۇلكەن سىيلىعى بولماق.
سونىمەن قاتار تاراز قالاسىنىڭ تۇرعىنى دا وزىنە جاڭاجىلدىق سىيلىق جاسادى. ول Bingo-دان 1 000 000 تەڭگە ۇتىپ الىپ, ميلليونەر اتاندى. بيلەت قاراتاۋ شاعىناۋدانىندا ساتىپ الىنعان. سارسەنبىلىك ويىننىڭ ناتيجەسى بويىنشا جالپى 7428 جەڭىمپاز انىقتالدى. TeleBingo لوتەرەياسىندا وسى تيراجداعى ۇتىستاردىڭ جالپى سوماسى 6 997 000 تەڭگەنى قۇرادى. مولشەرى 6,4 ميلليون تەڭگەنى قۇرايتىن SuperBingo بۇل ويىندا ويناتىلمادى. سول سەبەپتەن ول كەلەسى ويىنعا اۋىستىرىلادى. ال كۇتىلەتىن سوما 12,9 ميلليون تەڭگەنى قۇرايتىن بولادى. TeleBingo ويىنىنىڭ ەكىنشى تيراجىنىڭ تىكەلەي كورسەتىلىمىن 29 جەلتوقساندا ساعات 20:00-دە «جەتىنشى ارنا» ەفيرىنەن قاراڭىز. ستۋدياداعى شوۋدىڭ قاتىسۋشىسى بولۋ ءۇشىن TeleBingo ءماتىنى جازىلعان سمس-ءتى 5290 نومىرىنە جىبەرىپ, تىركەۋدەن جانە كەزدەيسوق ىرىكتەۋدەن ءوتۋ قاجەت. جىلدىڭ سوڭىندا جەڭىمپازداردىڭ اراسىنداعى ەڭ جولى بولعىش ادام ارنايى سۋپەرجۇلدەنى يەمدەنەدى.
