«وقى جانە وزگەگە ۇسىن» اكتسياسى 2011 جىلى اشىلدى. اكتسيانىڭ ماقساتى: وقىرمانداردىڭ ءوز بەتىنشە وقۋىن دامىتۋ, كوركەم ادەبيەتتى, شەتەل كلاسسيك جازۋشىلارىنىڭ تۋىندىلارىن ناسيحاتتاۋ. كەز كەلگەن وقىرمان «وقى جانە وزگەگە ۇسىن» كىتاپ كورمەسىنەن ۇناعان كىتابىن تاڭداپ, سىيعا الىپ, وقىپ, كەيىن دوسىنا, تانىسىنا, كىتاپ سۇيەر وقىرمانعا ۇسىنۋىنا بولادى. وقىرماندارعا ۇسىنىلعان بۇل كىتاپتاردىڭ بارلىعى دا قالا تۇرعىندارىنان قابىلدانعان جانە كىتاپحانانىڭ ەسەبىندە تىركەلمەگەن كىتاپتار.
كىتاپحانا ديرەكتورىنىڭ ورىنباسارى ءۇرجان كۋداسوۆا قۇرمانقىزى ءوز لەبىزىن ءبىلدىرىپ, ارنايى كىتاپحانا №70 جالپى ورتا ءبىلىم بەرەتىن مەكتەپتىڭ كىتاپحاناشىسى بيباتپا قۋانتايقىزى مەن مەكتەپتىڭ ىشىندەگى «قامقورشى» كوميتەتىنىڭ پرەزيدەنتى ساين ساۋاناەۆ مۋساگالي ۇلىنا 321 كىتاپتى جانە «ادىرنا» رەسپۋبليكالىق ادەبي جۋرنالدىڭ بىرنەشە داناسىن قايتارىمسىز سىيعا تارتۋ ەتتى.
اكتسيانىڭ نەگىزگى يدەياسى – ءوزارا كىتاپتار الماسۋ. سول سياقتى كىتاپحانانىڭ ىشىندە دە «وقى جانە وزگە ۇسىن» كىتاپحانالىق بۇرىش قويىلدى. وندا قوزعالىسى كىتاپ پەن وقىرمان اراسىن جاقىنداتۋدىڭ ءتيىمدى جولى رەتىندە ءىس-تاجىريبەگە ەنگىزىلىپ وتىر. كەز كەلگەن ادام وقىعان قىزىقتى كىتاپتارىن بۋككروسسينگ سورەلەرىنە قويىپ, ورنىنا سول سورەدەن ءوزى وقىماعان كىتاپتى الىپ كەتۋى ارقىلى دوستارىمەن بولىسەدى.
ءبىلىمدى ۇرپاق – ەگەمەندى ەلدىڭ بەرىك تىرەگى. ءبىز ءبىلىمدى ۇرپاق, ءبىلىمدى تۇلعا دەگەندە رۋحاني جان دۇنيەسى باي, ءبىلىم مەن بىلىكتىلىگى جوعارى, تالاپ-تالعامى تەرەڭ, سالاۋاتتى ءومىر سالتىن دۇرىس قالىپتاستىرعان تۇلعانى ايتامىز. تۇبەگەيلى وزگەرىستەرگە بەت بۇرعان جاڭا قوعامدا تەك ءبىلىمدى بولۋ, جەتكىلىكسىز, سوندىقتان ءاربىر جەكە تۇلعانىڭ بويىندا ادامگەرشىلىك, ىزگىلىك, كىشىپەيىلدىلىك, قايىرىمدىلىق, باتىرلىق, وتانسۇيگىشتىك, تاعى باسقا قاسيەتتەر بولۋ كەرەك. كىتاپحانالار سول وقۋ ورىندارىنداعى بىلىمگە ۇمتىلاتىن جاس ۇرپاقتىڭ, سونداي-اق ۇستازداردىڭ تابىلار جەرى. وسى زامانعى اقپارات قۇرالدارى دامىعان, جاڭا تەحنولوگيالار زامانىندا دا كىتاپ ادامنىڭ ىشكى دۇنيەسىنە, وي-ورىسىنە ىقپال جاساپ, مۇقتاجىن قاناعاتتاندىراتىن, رۋحاني ازىعى بولىپ قالا بەرمەك. بۇگىنگى وقۋشى ەرتەڭگى ەل مامانىنىڭ ەلىنە, جەرىنە دەگەن سۇيىسپەنشىلىگىن ارتۋى, ولاردىڭ بويىندا ۇلتتىق نامىس, وتانشىلدىق, ادامگەرشىلىك قاسيەتتەرىنىڭ ۇلعايا ءتۇسۋى جولىندا كىتاپحانا قىزمەتكەرلەرى - حالقىمىزدىڭ قيلى تاريحىن, ونەگەلى ادەت-عۇرپى مەن سالت-ءداستۇرىن, مادەني مۇرالارىن, ادەبيەت قازىنالارىن, تەرەڭنەن تولعايتىن ءسوز ونەرىن وقىرماندارعا كىتاپ ارقىلى ناسيحاتتاي ءبىلۋى قاجەت.
باقتىگۇل باقىتجانقىزى,
س.جيەنباەۆ اتىنداعى وبلىستىق
جاسوسپىرىمدەر كىتاپحاناسىنىڭ
ءبولىم مەڭگەرۋشىسى
اقتوبە قالاسى
