ءوز تاريحىمىزدى ءبىلۋ, تاريحي وقيعالار مەن قۇبىلىستاردى تانۋ قازاقتاردىڭ جانە باسقا دا ەتنوستىق توپتاردىڭ ەتنوگەنەزىنە اسەر ەتەدى, سول ارقىلى ءبىز وتكەنىمىزدىڭ ۇلىلىعىن تەرەڭ تانيمىز. سول ارقىلى قازىرگى زامانعى قازاقستاندىقتاردىڭ قوعامدىق ساناسى تاريحتىڭ جارقىن مىسالدارىمەن جەتىلدىرىلەدى. ء«تول تاريحىن بىلەتىن, باعالايتىن جانە ماقتان ەتەتىن حالىقتىڭ بولاشاعى زور بولادى» دەگەن ويدىڭ ەلباسى تاراپىنان سەنىممەن ايتىلۋى قازاقستان حالقىن جارقىن بولاشاعىمىزعا باعىتتايدى جانە جىگەرلەندىرەدى.
ۇلى دالانىڭ قىرلارىن ۇسىنا وتىرىپ, پرەزيدەنت ن.ءا.نازارباەۆ عالامدىق تاريحتا ءبىزدىڭ ءرولىمىزدى بايىپتى جانە وبەكتيۆتى تۇسىنۋدە ناقتى عىلىمي فاكتىلەرگە سۇيەنۋدىڭ قاجەتتىگىن ايتۋى, بىزدەردى – قازاقستان حالقىن, جاس ۇرپاقتى ءوز تاريحىمىزدى تانۋعا جۇمىلدىرۋ دەپ تۇسىنۋگە جەتەلەيدى.
ءبىزدىڭ الدىمىزعا قويىلعان ماقساتتارعا جەتۋ ءۇشىن مىندەتتى تۇردە تاريحىمىزدى بىلۋگە ءتيىسپىز.
مەن كاسىبي مۇعالىم رەتىندە, بولاشاق ۇرپاقتى ءبىلىم الۋ اياسىن كەڭەيتۋگە ۇمتىلۋعا شاقىرار ەدىم. سوندا ءبىز مەملەكەتىمىزدىڭ ءۇش ۇستىنى سانالاتىن ەكونوميكا, الەۋمەتتىك دامۋ جانە رۋحانيات ۇشەۋىن دە قاتار جەتىلدىرەر ەدىك. تاريحتى تانۋ وسىلاردىڭ ىشىندە بىرەگەي باعىت رەتىندە دامي تۇسكەن بولار ەدى.
«رۋحاني جاڭعىرۋ» باعدارلاماسىنىڭ يگى ناتيجەلەرىن جالعاستىرا تۇسۋگە جول اشىلدى. ەندىگى جەردە وسى باعىتقا بەلگىلەنگەن عىلىمي جانە قارجىلىق رەسۋرستاردى ءتيىمدى پايدالانىپ, قازاق حاندىعىنان بۇرىن ءومىر سۇرگەن ەجەلگى بابالارىمىزدىڭ ءوندىرىسى, مادەنيەتى مەن ونەرىن بارىنشا ءادىل, مۇقيات زەرتتەۋگە كۇش سالۋىمىز قاجەت. وسى ورايدا باستاۋى قازاقستان جەرىندە بولعان, ومىرىمىزگە وشپەس ءىز قالدىرعان قۇندىلىقتارىمىزدى جاڭا زاماندا دا دامىتا ءتۇسۋىمىز ماڭىزدى.
بۇل جەردە ايتايىن دەگەنىم, قازاقستاننىڭ قىزعالداق پەن المانىڭ تاريحي مەكەنى ەكەنىن ەسكەرە وتىرىپ, ولاردى ەل يگىلىگىنە اينالدىرساق, ۇلت ماقتانىشى رەتىندە قاراستىرساق دەگەن نيەتىمىز بار.
ەلباسىنىڭ جۇرتشىلىقتىڭ قىزۋ تالقىلاۋى مەن پىكىر الماسۋىنا تۇسكەن بۇل ماقالاسى باعزى زاماننان كەلە جاتقان اسىل قۇندىلىقتارىمىزدى قادىر تۇتۋعا, تاۋەلسىز ۇرپاعىمىزدىڭ بولاشاعىنا پايدالانۋعا جول سىلتەيتىن قۇندى دۇنيە جانە ماقالادا اتالعان بارشا ماسەلەلەر حالقىمىزدىڭ بۇل كۇنگە دەيىنگى تاريحى جانە بۇدان كەيىنگى بولاشاعىمەن تىكەلەي بايلانىستى. بۇل ماقالا – ءبىزدىڭ ەلباسىنىڭ «رۋحاني جاڭعىرۋ» باعدارلاماسىنىڭ زاڭدى جالعاسى.
ناتاليا جۇمادىلداەۆا,
پارلامەنت ءماجىلىسىنىڭ دەپۋتاتى
