يننوۆاتسيالىق ينگالياتسيا جۇرگىزەتىن وزىق مەديتسينالىق جابدىققا حالىقارالىق «Homed Medical Device Co., Ltd.» كومپانياسىمەن جانە تىنىس الۋ جۇيەسىندەگى اۋرۋلاردى ەمدەۋگە ارنالعان زاماناۋي پرەپاراتتار جاساپ شىعاراتىن حالىقارالىق «استرا زەنەكا» بيوفارماتسەۆتيكالىق كومپانياسىنىڭ قويان-قولتىق جۇمىس اتقارعاننىڭ ارقاسىندا قول جەتكىزىلدى.
رەسپيراتورلىق پاتولوگيالار دا ءار ەلدە ءولىم-جىتىمگە ۇشىراتاتىن دەرتتەردىڭ باسىندا تۇر. جانە مۇنداي ناۋقاسقا شالدىققاندار قاتارى ءىرى قالالاردىڭ ۋربانيزاتسيا دەڭگەيىنىڭ جوعارىلاۋىنا بايلانىستى ۇدايى ارتىپ كەلەدى.
ال پەدياتريا جانە بالالار حيرۋرگياسى عىلىمي ورتالىعى مالىمەتى بويىنشا, ەلىمىزدە ەمحاناعا جاتقىزىلعان كىشكەنتاي ناۋقاستار اراسىندا وكپەنىڭ سوزىلمالى وبسترۋكتيۆتى اۋرۋلارى باسىم ءتۇسىپ وتىر, ولاردىڭ ىشىندە مۋكوۆيستسيدوز 7,7%, برونحوەكتاتيالىق اۋرۋ 9,9%, سوزىلمالى برونحيت 10% جانە تىنىس دەمىكپەسى 15%-دى قۇرايدى. ەمحاناعا جاتقىزىلعان مۇنداي ناۋقاستاردى ەمدەۋ كەزىندە پەرورالدى جانە پارەنتەرالدى دارىلىك زاتتاردى قابىلداۋ قيىنعا سوعادى. ءدارىنى ينگالياتسيا ارقىلى ەنگىزۋ ناۋقاستاردىڭ جاعدايىن الدەقايدا جەڭىلدەتىپ, وتكىر اۋرۋلاردى باسىپ, تەزىرەك ەمدەلىپ كەتۋگە جانە ستاتسيوناردا جاتۋ ۋاقىتىن ازايتۋعا ايتارلىقتاي مۇمكىندىك بەرەدى.
نەبۋلايزەرلىك تەراپيانى جۇرگىزۋگە ارنالعان تۇڭعىش پالاتا تولىعىمەن جابدىقتالىپ, ورتالىققا اقىسىز نەگىزدە تابىستالدى. كەيىنىرەك ەلىمىزدىڭ باسقا ايماقتارىندا دا وسىنداي كابينەتتەردى اشۋ جوسپارلانعان. كىشكەنتاي ناۋقاستار امبۋلاتوريادا ەم قابىلداي الادى, ال بۇل ەمحاناعا جاتقىزۋعا جۇمسالاتىن شىعىنداردى تومەندەتىپ, قوسىمشا ەكونوميكالىق ۇلەسىن قوسپاق.
ايتۋلى وقيعاعا پەدياتريا جانە بالالار حيرۋرگياسى عىلىمي ورتالىعىنىڭ جەتەكشى ماماندارى, عالىمدار مەن قوعامدىق ۇيىمدار قاتىستى.
ايناش ەسالي,
«ەگەمەن قازاقستان».
الماتى
