ۇزدىك اتانعان ءۇش جوبا 1 ميلليون تەڭگەدەن قارجىلاي سىيلىق جەڭىپ الادى. بايقاۋدىڭ جالپى جۇلدە قورى 5 ميلليون تەڭگەنى قۇرايدى. سونداي-اق ءبىر جوبا اۆتورىنا ارنايى جۇلدە – حالىقارالىق اقپاراتتىق تەحنولوگيالار ۋنيۆەرسيتەتىنە گرانت بەرىلەدى.
وسى جىلدىڭ قازان ايىنان باستاپ ەلىمىزدىڭ بارلىق وڭىرلەرىنەن 1000-نان استام وتىنىمدەر كەلىپ ءتۇستى. ساراپتامالىق كوميسسيا ەكولوگيا, روبوتوتەحنيكا, بالامالى قۋات كوزدەرى, جاسىل ەنەرگەتيكا, ونەركاسىپ, IT, مەديتسينا, حيميا, بيولوگيا, فارماتسەۆتيكا, جول قوزعالىسىنىڭ قاۋىپسىزدىگى سالالارىنداعى 30 ۇزدىك جوبانى تاڭداپ الدى.
جوبا اۆتورلارى استانا قالاسىندا كونكۋرستىق كوميسسيا الدىندا ءوز جۇمىستارىن تانىستىردى. جاس ونەرتاپقىشتاردىڭ جۇمىسىن «نۇر وتان» پارتياسىنىڭ حاتشىسى قۋانعانوۆ ف.ش., قر پارلامەنتى سەناتىنىڭ دەپۋتاتى جۇماعۇلوۆ ب.ت., «ەلەكتر ەنەرگەتيكاسىن دامىتۋ جانە ەنەرگيا ۇنەمدەۋ ينستيتۋتى» اق باسقارما توراعاسى سماعۇلوۆ ب.ا., «قازاقستان عارىش ساپارى» ۇلتتىق كومپانياسى» اق باسقارما توراعاسى باتىرقوجا ا.ب. جانە ت.ب. ماماندار باعالادى.
بايقاۋعا ۇسىنىلعان جوبالار «الەۋمەتتىك ماڭىزدى يننوۆاتسيالار», «ۇزدىك جاس عالىم», «جاستاردىڭ يننوۆاتسيالىق جوباسى» نوميناتسيالارى بويىنشا باعالاندى. جاستار ءموبيلدى قوسىمشادان باستاپ اۋىر ونەركاسىپ سالاسىنا ارنالعان يننوۆاتسيالىق قۇرىلعىلاردى ۇسىنىپ وتىر. د. سەرىكباەۆ اتىنداعى شىعىس-قازاقستان مەملەكەتتىك تەحنيكالىق ۋنيۆەرسيتەتىنىڭ جاس عالىمدارى تانتالدان جاسالعان وتاندىق مەديتسينالىق يمپلانتتاردىڭ ۇلگىسىن ۇسىندى. قازىر ۇلگى كلينيكاعا دەيىنگى سىناقتان وتۋدە. «ەگەر سىناق ناتيجەلەرى ءساتتى بولسا, بۇل قۇرىلعىلار قازاقستان عانا ەمەس رەسەيدىڭ دە نارىعىندا سۇرانىسقا يە بولادى» - دەيدى جوبا اۆتورلارى.
دانيار سۇندەتباەۆ «جاس وتان» جاستار قاناتىنىڭ توراعاسى:
«بايقاۋدى «جاس وتان» جاستار قاناتى ءۇشىنشى جىل قاتارىنان وتكىزىپ كەلەدى. وسى ۋاقىت ارالىعىندا جاستار ءۇشىن بايقاۋ جاڭا جەڭىستەرگە ارنالعان ترامپلينگە اينالدى. بايقاۋ جۇلدەگەرلەرى وزدەرىنىڭ جەكە ستارتاپ-جوبالارىنىڭ نەگىزىن سالىپ, ۇلتتىق جانە شەتەلدىك ءىرى كاسىپورىندار مەن عىلىمي زەرتحانالارمەن سەرىكتەستىك ورناتتى. بۇگىن قاتىسۋشىلار جوبالارىن قورعادى, ەندى قاڭتار ايىندا جەڭىسكە جەتكەندەردى ماراپاتتاپ, سىيلىقتارىن تابىستايتىن بولامىز».
وسىعان دەيىن جۇلدەگەرلەر اتانعانداردىڭ ءبىرى نازارباەۆ زياتكەرلىك مەكتەبىنىڭ وقۋشىسى يۆان كرەپاك «جارىس» موبيلدى قوسىمشاسىن ازىرلەۋ ارقىلى كراۋدفاندينگ نارىعىندا 10 ميلليون تەڭگەدەن استام ينۆەستيتسيا تارتتى. الماتىلىق ماۋلەن بەكتۇرعانوۆ «100 جاڭا ەسىم» جوباسىنىڭ جەڭىمپازى اتانىپ, بيونيكالىق قول پروتەزىن دايىندايتىن «MBionics» كومپانياسىنىڭ نەگىزىن قالادى, سونداي-اق الماتى قالاسىنداعى رەسپۋبليكالىق پروتەز جانە ورتوپەديالىق ورتالىعىمەن بىرقاتار جوبالار ىسكە اسىرۋدا. 2017 جىلى بايقاۋدا جەڭىسكە جەتكەن ليۋبوۆ دۋدچەنكو قىتايلىق تانىمال عالىم گاو شيچتىڭ سىيلىعىنا يە بولىپ, ۇندىستانداعى «Sanray» زەرتحاناسىمەن بىرگە جۇمىس جاسايدى.
