«مۇنداي بايقاۋلاردىڭ ۇيىمداستىرىلۋى دۇرىس دەپ بىلەمىز. تەك بايقاۋعا قاتىسقان ارۋلارعا تولقىماۋ كەرەك دەپ كەڭەس بەرەر ەدىك. ويتكەنى كەيدە تىم قاتتى قۋانعاننىڭ ءوزى دەنساۋلىققا كەرى اسەر ەتەدى, قۋانىش, جاقسى كوڭىل-كۇي ءاردايىم پايدالى بولۋى ءتيىس» دەيدى سالاماتتى ءومىر سالتى ورتالىعىنىڭ ءبولىم مەڭگەرۋشىسى گۇلسىم ساداقباەۆا.
زاۋرەش الىبەكوۆا قازىر دەكرەتتىك دەمالىستا. ول قالاداعى № 25 مەكتەپتە پسيحولوگ بولىپ قىزمەت ەتكەن. ولار جولداسى ەكەۋى تۇڭعىشىنا دايىندالىپ ءجۇر, ۇلدى دۇنيەگە اكەلسەم ەكەن دەپ ارماندايدى.
«مەن بايقاۋعا قاتىسۋعا ۇسىنىس بولعاندا بىردەن كەلىستىم. ءبىز مۇندا جەڭىس نەمەسە باسەكەلەسۋ ءۇشىن كەلگەن جوقپىز, وسى ءبىر تارتىمدى ساتتەردى كەيىن ەسكە الىپ, سابيلەرىمىزگە ايتىپ بەرۋ ءۇشىن كەلدىك», دەيدى زاۋرەش.
بايقاۋ ءوزىن تانىستىرۋ, شىعارماشىلىق, قىزىقتى وقيعا, وتباسىنىڭ سۇيىكتى تاماعى جانە دەفيلە سياقتى بەس بولىمنەن تۇردى. كەلىنشەكتەر ءوز ونەرىن, يكەمدىلىكتەرىن كورسەتە ءبىلدى. بۇل شارادا كەلىنشەكتەردىڭ بارلىعى دا جەڭىمپاز بولدى. ولار وزدەرىنە دە, وزگەگە دە تەك قۋانىش, جاراسىمدى كوڭىل-كۇي سىيلادى.
ءنازيرا جارىمبەت,
«ەگەمەن قازاقستان»
قوستاناي
