ەگەمەندىك جولىندا ايرىقشا ەرلىك كورسەتكەن ءور رۋحتى بابالاردىڭ بولمىسىن بۇگىنگە جەتكىزىپ, سولاردىڭ ابىرويلى ءىسىن جالعاستىرا بىلگەن ەلباسىنىڭ دا ەرەن ەڭبەگىن ايتا كەتكەنىمىز ءجون. تاۋەلسىزدىك كۇنى – ەڭ قاسيەتتى كۇندەرىمىزدىڭ ءبىرى. ول قوعامدىق سانانىڭ ۇلكەن سىلكىنىسىنەن, قازاق جۇرتى تاۋەلسىزدىكتەن ءۇمىت ۇزە باستاعان شاقتا كەلدى. سونىسىمەن دە قىمبات, سونىسىمەن دە قاستەرلى, اياۋلى.
قازىرگى مەنىڭ زامانداستارىم, ادەبيەتتەگى, ساياساتتاعى بارلىق قاتارلاستارىم ەگەمەندىكتىڭ قازىعىن قاعۋعا, بۋىنىن بەكىتۋگە, ءرامىزىن ازىرلەۋگە ار-ۇجداندارىمەن قىزمەت ەتتى. تىكەلەي اتسالىستى. ساياسي, ادەبي ەليتانىڭ حالىقتىڭ رۋحىن كوتەرۋدەگى ورىندارى ايرىقشا. ال حالىقتىڭ ەڭبەگى – دۇرىس تىرشىلىك ەتۋلەرىندە. ساياساتتاعى بۇگىنگى ۇلكەن بۋىننىڭ تاۋەلسىز قازاقستاننىڭ العاشقى ءتاي-ءتاي باسقان ۋاقىتىندا ىستەگەن جۇمىستارىن, قاجىرلى ەڭبەكتەرىن جوعارى باعالايمىن, قۇرمەتتەيمىن.
ەگەمەندىككە جەتۋدىڭ قيان كەسكى جولى, تاۋقىمەتتى تاريحى بار. جازىلعانى, جازىلماعانى بار. ول ءوز الدىنا داڭعايىر تاقىرىپ. ال سول تاۋەلسىزدىكتى ساقتاي وتىرىپ, ماڭگىلىك ەلگە اينالۋ دا بۇگىنگى ايقىن ماقساتىمىز. دامىعان ەلدەردىڭ قاتارىنا كىرۋ ءۇشىن تەك ەكونوميكا ەمەس, رۋحانيات تا قاجەت. ەكونوميكاڭ دامىپ, رۋحانياتىڭ ويسىراپ تۇرسا, ەشقانداي دامىعان ەلدىڭ قاتارىنا كىرە المايسىڭ. ەلباسىنىڭ «رۋحاني جاڭعىرۋ» باعدارلاماسى مىنە وسىنى كوزدەيدى. كەشە عانا جارىق كورگەن « ۇلى دالانىڭ جەتى قىرى» ەڭبەگى دە سونداي تەرەڭ تولعانىستان, ۇلكەن سەزىنىستەن تۋعان ماقالا. ءار قازاقتىڭ كوكەيىندە ءوزى ورىندايتىن ميسسياسى بولۋى كەرەك. اركىم ىنتا-شىنتاسىمەن ءحالى جەتكەنشە ەكونوميكاعا, ادەبيەتكە, مادەنيەتكە ۇلەس قوسۋى ءتيىس. سوندا عانا العا وزامىز.
حالىقتىڭ جۇرەگى, ويى, ساناسى ەگەمەندىكپەن بىرگە ويانعان. ارينە ءالى دە ۇلتتىق سانا تولىق ويانا قويعان جوق. بىراق وسى ۇمتىلىس تولاستاماۋى كەرەك. ەلباسىنىڭ « ۇلى دالانىڭ جەتى قىرى» دەگەن ۇلكەن ەڭبەگى وسى جولدا دا زور سەرپىلىس بولدى. جەردىڭ, ەلدىڭ تاريحى ءالى دە تەرەڭ زەردەلەۋدى قاجەت ەتەدى. ەلباسىنىڭ جاساپ بەرىپ وتىرعان باعدارلامالارى ارقىلى سول ولقىلىقتىڭ ءبارىن تولتىرۋىمىز كەرەك. ال سول ەڭبەكتىڭ ءبارى دە تاۋەلسىزدىك ءۇشىن ەكەنىن ءبىر ءسات ەستەن شىعارا المايمىز.
تاۋەلسىزدىگىمىز باياندى بولعاي.
انەس ساراي,
جازۋشى, مەملەكەتتىك سىيلىقتىڭ لاۋرەاتى
