ۇلتتىق بانك 2016 جىلدان بەرى زەينەتاقى اكتيۆتەرىن ينۆەستيتسيالىق باسقارۋدىڭ تيىمدىلىگى مەن اشىقتىعىن ارتتىرۋدا ايتارلىقتاي ۇلكەن جۇمىستار جۇرگىزدى. ينۆەستيتسيالىق دەكلاراتسيا جاڭارتىلدى. زەينەتاقى اكتيۆتەرى ينۆەستيتسيالانۋى مۇمكىن دەگەن قارجى قۇرالدارىنىڭ سيپاتتارى ناقتىلاندى. وسى ورايدا قاراجاتتى باسقارۋ تيىمدىلىگىن ارتتىرۋ, ينۆەستيتسيالاۋ باعىتى مەن قارجى قۇرالدارىنىڭ تۇرلەرىن ايقىنداۋ – 2016 جىلدان باستاپ, ۇلتتىق قوردى باسقارۋ جونىندەگى كەڭەسكە جۇكتەلگەن.
سونىڭ ارقاسىندا زەينەتاقى اكتيۆتەرىن باسقارۋ ساپاسى ەداۋىر ارتتى. سايكەسىنشە زەينەتاقى اكتيۆتەرىنىڭ تابىستىلىعى ينفلياتسيا دەڭگەيىنەن جوعارى بولىپ وتىر. بۇل قازاقستاندىقتاردىڭ زەينەتاقى جيناقتارىنىڭ كولەمىن, سايكەسىنشە قوردان بەرىلەتىن زەينەتاقى تولەمدەرىنىڭ مولشەرىن ارتتىرۋعا سەپتىگىن تيگىزۋدە.
پورتفەلدى ودان ءارى ءارتاراپتاندىرۋ جانە تابىستىلىقتى ارتتىرۋ ماقساتىندا اكتيۆتەردىڭ ءبىر بولىگى سەنىم بىلدىرىلگەن سىرتقى باسقارۋشىلارعا كەزەڭ-كەزەڭمەن بەرىلىپ وتىر.
ايناش ەسالي,
«ەگەمەن قازاقستان»
الماتى
