بجزق باستاماسىمەن ۇيىمداستىرىلعان شاراعا قور قىزمەتكەرلەرى جانە قر ەڭبەك جانە حالىقتى الەۋمەتتىك قورعاۋ مينيسترلىگى, مەملەكەتتىك الەۋمەتتىك ساقتاندىرۋ قورى, قازاقستان قارجىگەرلەرى قاۋىمداستىعى, «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ وكىلدەرى, سونداي-اق كاسىپوداقتار, كاسىپكەرلەر, جەتەكشى ساراپشىلار, ساياساتتانۋشىلار, ەكونوميستەر, سالىمشىلار, ت.ب. قاتىستى. (الۋشىلار) قاتىستى.
«بجزق» اق باسقارما ءتورايىمى ءنۇربيبى ناۋرىزباەۆا جيناقتاۋشى زەينەتاقى جۇيەسىنىڭ جۇمىسى تۋرالى باياندادى. 2018 جىلدىڭ 1 جەلتوقسانىنا قاراي بىرىڭعاي جيناقتاۋشى زەينەتاقى قورىندا سالىمشىلار مەن الۋشىلاردىڭ 10 ملن استام جەكە زەينەتاقى شوتتارى اشىلعان. ولاردا 9,1 ترلن تەڭگە سوماسىندا زەينەتاقى جيناقتارى شوعىرلاندىرىلعان. جۇيە ىسكە قوسىلعاننان بەرى وعان زەينەتاقى جارنالارى رەتىندە بارلىعى 6,6 ترلن تەڭگە اۋدارىلدى. ال تولەمدەر مەن ساقتاندىرۋ ۇيىمدارىنا اۋدارىلعان جيناقتاردىڭ جالپى كولەمى 1,2 ترلن تەڭگەنى قۇرادى. جيناقتاردىڭ ۇشتەن بىرىنەن استامى سالىمشىلار مەن الۋشىلاردىڭ شوتتارىنا ينۆەستيتسيالىق باسقارۋشىلاردىڭ كۇشىمەن ينۆەستيتسيالىق تابىس رەتىندە كەلىپ تۇسكەن.
قازىرگى ۋاقىتتا بجزق زەينەتاقى جۇيەسىنىڭ بارلىق قارجىلىق جانە اقپاراتتىق اعىنىنىڭ بىرىڭعاي وپەراتورى بولىپ تابىلادى.
كەزدەسۋ قورىتىندىسى بويىنشا قاتىسۋشىلار قازاقستاننىڭ بۇدان 20 جىل بۇرىن زەينەتاقى رەفورماسىن جۇرگىزۋى قوعام جانە ەكونوميكا ءۇشىن ماڭىزدى قادام بولعانىن اتاپ ءوتتى. سونىمەن قاتار جيناقتاۋشى زەينەتاقى جۇيەسىن ودان ءارى دامىتۋ قاجەتتىلىگى ايتىلدى.
ەلۆيرا سەرىكقىزى,
«ەگەمەن قازاقستان»
الماتى
