2001-2003 جىلى تۋىلعان ۇلدار مەن قىزدار اراسىندا وتكەن ايتۋلى جارىستا
اقمولا, اتىراۋ, جامبىل, ماڭعىستاۋ, قاراعاندى, قوستاناي, قىزىلوردا, پاۆلودار, تۇركىستان, شىعىس قازاقستان, وبلىستارى, استانا, الماتى, شىمكەنت قالالارى جانە قىرعىزستاننان كەلگەن 250-گە جۋىق بالعىن بالۋاندار باق سىنادى. بۇل باسەكەنىڭ جالپى كوماندالىق ەسەبىندە ۇلدار اراسىندا الماتى قالاسىنىڭ ورەندەرى اسقان شەبەرلىك تانىتىپ, باس جۇلدەنى ولجالادى. شىعىس قازاقستان وبلىسىنىڭ ورەندەرى ەكىنشى ورىن السا, قاراعاندىدان كەلگەن دزيۋدوشىلار ءۇشىنشى ورىندى يەلەندى. قىزدار سايىسىندا دا الماتىلىقتار الدارىنا جان سالمادى. ەكىنشى جانە ءۇشىنشى ورىنداردا اقمولا جانە قىزىلوردا وبلىسىنىڭ قۇراما كوماندالارى ەنشىلەدى.
قازاقستان رەسپۋبليكاسى ءبىلىم جانە عىلىم مينيسترلىگىنىڭ ۇلتتىق عىلىمي-پراكتيكالىق دەنە تاربيەسى ورتالىعىنىڭ باس ديرەكتورى سادىق مۇستافاەۆ, قازاقستاننىڭ ەڭبەك سىڭىرگەن جاتتىقتىرۋشى ەرمەك يمانبەكوۆ, ايتۋلى ورتالىقتىڭ سپورت شارالارىن وتكىزۋ زەرتحاناسىنىڭ جەتەكشىسى, اتاقتى دزيۋدوشى ساعدات سادىكوۆ, جانە تانىمال تورەشى دانيار ايتىمبەتوۆ جارىس جەڭىمپازدارى مەن جۇلدەگەرلەرىن كۋبوك, ديپلوم جانە مەدالدارمەن ماراپاتتادى.
تاعى ءبىر ايتا كەتەرلىگى, ءىلياس قابىلوۆتى ەسكە الۋعا ارنالعان II حالىقارالىق ءتۋرنيردى تاماشالاۋ ءۇشىن بەيجىڭ وليمپياداسىنىڭ كۇمىس جۇلدەگەرى اسحات جيتكەەۆ, جاسوسپىرىمدەر وليمپيداسىنىڭ جەڭىمپازى, ازيا چەمپيوناتىنىڭ جۇلدەگەرى ەرلان سليامباەۆ جانە قۋانىش اتاجانوۆ, ەۆگەنيا بوگۋنوۆا, ايسۇلۋ سەرىكقىزى سىندى بەلگىلى دزيۋدوشىلار «دوستىق» سپورت كەشەنىنە ارنايى ات باسىن بۇردى.
عالىم سۇلەيمەن,
«ەگەمەن قازاقستان»
