قىزىلوردا وبلىسىنىڭ اۋماعىندا 30 رەسپۋبليكالىق جانە 256 جەرگىلىكتى ماڭىزعا يە 286 ەسكەرتكىش بار.
«بۇل - ورتالىق ازيا ءۇشىن تاريحي جانە مادەني ەسكەرتكىشتەردى قالپىنا كەلتىرۋگە باعىتتالعان بىرەگەي جوبا. ەڭ وزىق جابدىقتار مەن تەحنولوگيالاردىڭ كومەگىمەن بارلىق نىسانداردىڭ قۇجاتتاماسى دايىندالعان. وسىلايشا تانىمدىق تاريحي انىقتاما عانا ەمەس, ەسكەرتكىشتەردى ەگجەي-تەگجەيلى زەرتتەۋگە ارنالعان اسا دالدىككە نەگىزدەلگەن قۇرال بولماق. قازىر تۇرىك ارىپتەستەرىمىز قىزىعۋشىلىق تانىتۋدا», دەدى جوبا اۆتورى, حالىقارالىق ورتالىق ازيا زەرتتەۋ ينستيتۋتىنىڭ ديرەكتورى دميتري ۆوياكين.
ول ايماقتىڭ مادەني ەسكەرتكىشتەرىنىڭ 3د-كارتاسى - «virtualmap.xyz» ينتەراكتيۆتى ۆەب - رەسۋرسىن قۇرۋ ءۇشىن 33 000-نان استام سۋرەت, ەجەلگى قالاشىقتارداعى 4000-نان استام سۋرەت, 40 000-نان استام اەروفوتوسۋرەتتەر جانە 13 ساعاتتان اساتىن پيلوتسىز ۇشۋ اپپاراتتارىنان بەينە تۇسىرىلىمدەر مەن 450-دەن اسا جانە جەردەن 1000-نان استام پانورامالىق سۋرەت جاسالعاندىعىن ايتادى.
كارتا ارنايى virtualmap.xyz سايتتا ۇسىنىلاتىن بولادى. قازىرگى ۋاقىتتا تولىقتىرۋ جۇمىستارى جۇرگىزىلۋدە. 2019 جىلدىڭ قاڭتار ايىندا قولجەتىمدى بولادى دەپ جوسپارلانىپ وتىر.
باقتيار تايجان,
«ەگەمەن قازاقستان»
قىزىلوردا وبلىسى
