«قازاق ىشىندە بالا ىسىنە ەرەكشە كوڭىل ءبولىپ, اعارتۋشىلىق باعىتتا ءونىمدى جۇمىس قىلعانداردىڭ ءبىرى – ىبىراي التىنسارى. قانشا ۋاقىت وتسە دە جازۋشىنىڭ شىعارمالارى وزەكتى, ماڭىزىن جوعالتپاعان. ءبىرىنشى كىتاپتا ۇلت ۇستازىنىڭ 8 اڭگىمەسى بەرىلگەن. ەكىنشى كىتاپتا قالادا تۇراتىن, تەحنولوگيانى تاڭسىق كورمەيتىن, بىراق ۇلتتىق تاربيە كورگەن بالالاردىڭ بەينەسى سۋرەتتەلگەن. ەكى وقۋلىق تا كوميكس جانرى نەگىزىندە جارىققا ششىعىپ وتىر.
جوبا «ايالا» بالالاردى دامىتۋ ورتالىعى, «نۇر استانا قۇرىلىس» جشس-نىڭ دەمەۋشىلىگىمەن ىسكە استى. ال جوبانىڭ اۆتورى - قر پارلامەنتى ءماجىلىسىنىڭ دەپۋتاتى, قوعام قايراتكەرى بەكبولات تىلەۋحان مىرزا», - دەيدى جوبا جەتەكشىسى ازامات بايعالي ۇلى.
جيىندا جاڭا كىتاپتاردىڭ ەرەكشەلىكتەرى تۋرالى ايتىلىپ, جالپى بالا ىسىندەگى باسپا ماسەلەسى, ۇلتتىق تاربيە قۇرالدارى ءسوز بولادى.
جاڭا كىتاپتاردىڭ تۇساۋكەسەرى 16 جەلتوقسان – تاۋەلسىزدىك كۇنى مەرەكەسىنە ورايلاستىرىلعان. سالتاناتتى شارا دەپۋتاتتار مەن زيالى قاۋىم وكىلدەرى, ۇستازدار, اقىن-جازۋشىلار, اتا-انالار مەن بالالاردىڭ قاتىسۋىمەن وتەدى. كەزدەسۋ اياسىندا استانا قالاسىنىڭ قۋىرشاق تەاترى ارتىستەرى «قاڭباق شال» قويىلىمىن ۇسىنادى.
